باتىس قازاقستان وبلىسىنا جۇمىس ساپارى اياسىندا پرەمەر-مينيستر كارىم ءماسىموۆ ازىق-ت ۇلىكتى قايتا وڭدەۋگە مامانداندىرىلعان «كۋبلەي» جاۋاپكەرشىلىگى شەكتەۋلى سەرىكتەستىگىنىڭ قىزمەتىمەن تانىستى.
Pm.kz-ءتىڭ مالىمەتى بويىنشا, سەرىكتەستىك ديرەكتورى تالعات بەركەشەۆ ۇكىمەت باسشىسىنا كاسىپورىننىڭ جىل سايىن 75 مىڭعا جۋىق ەت, 37,5 مىڭ بالىق جانە كوكونىس قالبىرىن شىعاراتىنىن, ءونىمنىڭ شامامەن 10 پايىزى قىرعىزستان, تۇرىكمەنستان, اۋعانستان جانە رەسەيگە ەكسپورتتالاتىنىن باياندادى.
قازىرگى تاڭدا كاسىپورىن 10 مىڭ توننا ەت وڭدەۋگە قاۋقارلى مال سوياتىن تسەحى بار ەت وڭدەۋ كەشەنىن پايدالانۋعا بەرۋگە دايىنداپ جاتىر. ول كاسىپورىننىڭ شيكىزات قاۋىپسىزدىگىن قامتاماسىز ەتۋگە جانە 100-دەن استام جاڭا جۇمىس ورنىن قۇرۋعا مۇمكىندىك بەرەدى. كەشەندى 2016 جىلدىڭ ەكىنشى جارتىسىندا ىسكە قوسۋ جوسپارلانعان.
اۋىل شارۋاشىلىعىن وڭدەۋ جانە ازىق-ت ۇلىك ءوندىرىسى يندۋستريالاندىرۋدىڭ ەكىنشى بەسجىلدىعىنىڭ باسىم باعىتتارىنىڭ ءبىرى بولىپ تابىلادى. جوعارى تەحنولوگيالى وندىرىستەردى دامىتۋ ەل ەكونوميكاسىنىڭ باسەكەگە قابىلەتتىلىگىن ارتتىرادى.
يندۋستريالاندىرۋدىڭ ەكىنشى بەسجىلدىعىنىڭ باسىم سەكتورلارى رەتىندە التى سالا انىقتالدى: مۇناي وڭدەۋ جانە مەتاللۋرگيا كەشەنى, ازىق-ت ۇلىك جانە حيميا ونەركاسىبى, ونەركاسىپ جابدىقتارى جانە قۇرىلىس ماتەريالدارى ءوندىرىسى.
ايدار ورىسباەۆ