مەملەكەت باسشىسىنىڭ تاپسىرماسىمەن ءوڭىردىڭ الەۋمەتتىك-ەكونوميكالىق دامۋىن باعالاۋ ءۇشىن پرەمەر-مينيستر كارىم ءماسىموۆ جۇمىس ساپارىمەن باتىس قازاقستان وبلىسىنا باردى.
Pm.kz-ءتىڭ حابارلاۋىنشا, كارىم ءماسىموۆتىڭ جۇمىس ساپارى باعدارلاماسىندا ايماقتىڭ ەڭبەك ۇجىمدارىمەن جانە قوعام وكىلدەرىمەن كەزدەسۋى, ينفراقۇرىلىمدىق نىسانداردى, اگرارلىق-ونەركاسىپتىك كەشەن كاسىپورىندارىن ارالاۋى كوزدەلگەن.
ۇكىمەت باسشىسى «نۇرلى جول» باعدارلاماسى اياسىندا جۇزەگە اسىرىلىپ جاتقان «ورال – تاسقالا – رف شەكاراسى» اۆتوجولدارىن قايتا جوندەۋ بارىسىن باعالايتىن بولادى.
ايماقتىڭ جانە جالپى ەلىمىزدىڭ كولىك-لوگيستيكالىق جوبالارىنىڭ ستراتەگيالىق ماڭىزدىلىعىن ەسكەرە وتىرىپ, كارىم ءماسىموۆ باتىس قازاقستان وبلىسىنداعى اۆتوموبيل جولدارىنىڭ جاي-كۇيى تۋرالى كەڭەس وتكىزەدى.
سونىمەن قاتار, پرەمەر-مينيستر اگرارلىق-ونەركاسىپتىك كەشەن وكىلدەرىمەن تاماق وڭدەۋ ونەركاسىبىنىڭ وزەكتى باعىتتارىن تالقىلاپ, «كۋبلەي» قالبىرلارىن شىعاراتىن كاسىپورىنعا بارادى.
گاز سالاسىنىڭ وزەكتى ماسەلەلەرى مەن دامۋ پەرسپەكتيۆالارىن كومپانيالاردىڭ, مەملەكەتتىك ورگاندار مەن سالالىق قۇرىلىمداردىڭ باسشىلارىمەن كەزدەسۋ بارىسىندا تالقىلاۋ جوسپارلانۋدا.
ايدار ورىسباەۆ