تۇرعىن ءۇي قۇرىلىس جيناق بانكىنىڭ توراعاسى سايلاندى

[caption id="attachment_50909" align="aligncenter" width="560"] فوتو: inform.kz[/caption] ەربولات دوساەۆ «قازاقستاننىڭ تۇرعىن ءۇي قۇرىلىس جيناق بانكى» اق ديرەكتورلار كەڭەسىنىڭ توراعاسى بولىپ سايلاندى. 2016 جىلعى 11-شىلدەدە «قازاقستاننىڭ تۇرعىن ءۇي قۇرىلىس جيناق بانكى» اق ديرەكتورلار كەڭەسىنىڭ وتىرىسى بولىپ ءوتتى. ونىڭ بارىسىندا ديرەكتورلار كەڭەسىنىڭ توراعاسى بولىپ «بايتەرەك» ۇلتتىق باسقارۋشى حولدينگى» اق باسقارما توراعاسى ەربولات دوساەۆ سايلاندى, دەلىنگەن بانك ءباسپاسوز قىزمەتىنىڭ حابارلاماسىندا. Inform.kz-ءتىڭ مالىمەتى بويىنشا, ديرەكتورلار كەڭەسى تۇرعىن ءۇي قۇرىلىس جيناق بانكى سالىمشىلارىنىڭ ءۇي جاعدايىن جاقسارتۋ مۇمكىندىگىن ۇلعايتاتىن, ءارى ەل ايماقتارىنداعى تۇرعىن ءۇي قۇرىلىسىن جانداندىرۋعا باعىتتالعان «ءوز ءۇيىم» باعدارلاماسىنىڭ نەگىزگى شارتتارىن قاراستىردى. سونىمەن قاتار, وتىرىستا «قازاقستاننىڭ تۇرعىن ءۇي قۇرىلىس جيناق بانكى» اق قىزمەتىنە قاتىستى بىرقاتار ماسەلەلەر تالقىلانعان. اتاپ ايتقاندا, 2015 جىلدىڭ قورتىندى ەسەبى, بانكپەن ەرەكشە قارىم-قاتىناستاعى تۇلعالارمەن اراداعى كەلىسىمدەر مەن باسقارۋ ەسەپتەرى الدىن-الا بەكىتىلدى. ديرەكتورلار كەڭەسى وتىرىسىنىڭ قورتىندىسى بويىنشا بانك باسقارماسىنا «ءوز ءۇيىم» باعدارلاماسىن جۇزەگە اسىرۋ بارىسىندا تۋىنداۋى مۇمكىن تاۋەكەلدەردىڭ الدىن الىپ, بانك سالىمشىلارى بولىپ تابىلاتىن باعدارلاما قاتىسۋشىلارىن قانداي دا ءبىر قاۋىپ-قاتەرلەردەن ساقتاۋ بويىنشا مىندەتتەر جۇكتەلدى. ايدار ورىسباەۆ