[caption id="attachment_50714" align="aligncenter" width="560"] فوتو: vk.com[/caption]
فۋتبولدان قازاقستان پرەمەر-ليگاسى 20-تۋرىنىڭ ويىندارى وينالدى. الماتىنىڭ «قايراتى» ءوز الاڭىندا قوستانايدىڭ «توبىلىنان» باسىم ءتۇستى.
«قايرات» (الماتى) – «توبىل» (قوستاناي) 3:2 (0:0)
گولدار: باۋىرجان يسلامحان 49, يسلامبەك قۋات 60, يساەل باربوزا 72 – ارتۋراس جۋلپا 68, سەرگەي حيجنيچەنكو 76.
الماتىنىڭ ورتالىق ستاديونىندا وتكەن كەزدەسۋدە جەرگىلىكتى «قايرات» «توبىل» كومانداسىن جەڭىپ, كەزەكتى ءۇش ۇپايىنا قول جەتكىزدى. ماتچتىڭ العاشقى تايمىندا ەسەپ وزگەرىسسىز 0:0 كۇيىندە قالدى.
الايدا, كەلەسى 45 مينۋتتا جانكۇيەرلەر ناعىز تارتىستى ويىننىڭ كۋاسى بولدى. الما كەزەك شابۋىلداردىڭ ارقاسىندا بارلىعى بەس گول سوعىلدى. «قايراتتان» كوماندا كاپيتانى باۋىرجان يسلامحان 49-مينۋتتا ەسەپ اشسا, اراعا ون ءبىر مينۋت سالىپ, يسلامبەك قۋات «توبىلعا» ەكىنشى دوپتى توعىتتى. ال قوناقتاردان ارتۋراس جۋلپا مەرگەندىگىمەن كوزگە ءتۇسىپ, جانكۇيەرلەرىنە ءۇمىت سىيلاعانداي بولىپ ەدى, بىراق قۋانىشتارى ۇزاققا سوزىلمادى. سەبەبى, يساەل باربوزا 72-مينۋتتا ءۇشىنشى گولدى سوقتى. «توبىلعا» بيىلعى ماۋسىمدا اۋىسىپ كەلگەن سەرگەي حيجنيچەنكو اراعا ءتورت مينۋت سالىپ ەسەپ سانىن قىسقارتقان. وسىدان كەيىن قوس كوماندا بىرقاتار شابۋىل جاساسا دا, ەسەپ وزگەرىسسىز قالدى.
«اقجايىق» (ورال) – «استانا» (استانا) 1:5 (1:3)
گولدار: پرەدراگ گوۆەداريتسا 20 – ازات نۇرعاليەۆ 2, 91, كابانانگا جۋنيور 22, اسحات تاعىبەرگەن 44, سەرىكجان مۇجىقوۆ 64.
«تاراز» (تاراز) – «ەرتىس» (پاۆلودار) 1:0 (1:0)
گول: يوان مەرا 40.
«شاحتەر» (قاراعاندى) – «ورداباسى» (شىمكەنت) 0:0
«وقجەتپەس» (كوكشەتاۋ) – «جەتىسۋ» (تالدىقورعان) 2:0 (0:0)
گولدار: الىبەك بولەشەۆ 63, جاسۇلان مولداقاراەۆ 91.
ورىندالماعان پەنالتي: جاسۇلان مولداقاراەۆ 71.
«اتىراۋ» (اتىراۋ) – «اقتوبە» (اقتوبە) 1:1 (0:0)
گولدار: ۆلاديمير ارجانوۆ 53 – نيكيتا بوچاروۆ 86.
20-تۋر ويىندارىنىڭ قورىتىندىسى بويىنشا تۋرنير كەستەسى
[caption id="attachment_50713" align="aligncenter" width="560"] فوتو: vk.com[/caption]
ۇزدىك سۇرمەرگەندەر:
جەرار گوۋ («قايرات») - 14 گول;
باۋىرجان يسلامحان («قايرات») - 11 گول;
دۋشان ساۆيچ («جەتىسۋ») - 10 گول;
21-تۋردىڭ قارسىلاستار رەتى تومەندەگىدەي:
«جەتىسۋ» – «اقجايىق»
«استانا» – «اتىراۋ»
«توبىل» – «وقجەتپەس»
«ورداباسى» – «تاراز»
«اقتوبە» – «شاحتەر»
«ەرتىس» – «قايرات»
ايان ءابدۋالي