كەشە قاۋىپسىزدىك كەڭەسى حاتشىسىنىڭ ورىنباسارى – حاتشىلىق مەڭگەرۋشىسى قوزى-كورپەش ءجاڭبىرشيننىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسى ينسپەكتسياسىنىڭ وتىرىسى بولدى. وتىرىستا ينسپەكتسيانىڭ بىلتىرعى جىلعى قىزمەتى قورىتىندىلانىپ, 2011 جىلداعى مىندەتتەرى ايقىندالدى.
ماسەلەن, 2010 جىلى قاۋىپسىزدىك كەڭەسى ينسپەكتسياسى اسكەري قىزمەتكەرلەردى تۇرعىن ۇيمەن قامتاماسىز ەتۋ زاڭدىلىعىنىڭ ساقتالۋى, كۇش-قۋات ورگاندارى بيۋدجەتتەرىنىڭ ورىندالۋى, مەملەكەتتىك شەكارانىڭ كۇزەتىلۋى جانە قىلمىستىق-اتقارۋ ءجۇيەسىنىڭ مەكەمەلەرىن تەكسەرۋ جۇمىستارىن اتقاردى. تەكسەرۋ ناتيجەلەرى مەن قورىتىندىلارى مەملەكەت باسشىسىنا باياندالدى.
اعىمداعى جىلى ءوڭىرلەردە ورنالاسقان قۇقىق قورعاۋ ورگاندارىنىڭ, قارۋلى كۇشتەر, شەكارا قىزمەتى, ىشكى اسكەرلەر مەن توتەنشە جاعداي ورگاندارى مەكەمەلەرىنىڭ قىزمەتىنە تالداۋ جاسالادى. كۇش-قۋات ورگاندارى ءجۇرگىزەتىن مەملەكەتتىك ساتىپ الۋ سالاسىنداعى ماسەلەلەر زەردەلەنەدى. ينسپەكتسيا وق-ءدارىلەردىڭ, قارۋ-جاراقتاردىڭ جانە اسكەري تەحنيكالاردىڭ ساقتالۋىنا باقىلاۋدى جالعاستىراتىن بولادى.
ينسپەكتسيا مۇشەلەرىنە 2011 جىلعا ارنالعان جوسپاردا كوزدەلگەن ءىس-شارالاردى ورىنداۋدى ۇيىمداستىرۋ ءجونىندە تاپسىرمالار بەرىلدى.