تاۋەلسىزدىك – باعا جەتپەس قۇندىلىق

كەشە اقوردادا مەملەكەت باسشىسى نۇرسۇلتان نازارباەۆ­تىڭ توراعالىق ەتۋىمەن قازاقستان رەسپۋبليكاسى تاۋەل­سىز­دى­گى­نىڭ 20 جىلدىق مەرەيتويىن وتكىزۋگە ارنالعان كەڭەس بولىپ ءوتتى. كەڭەسكە بىرقاتار مينيسترلىكتەردىڭ باسشىلارى, وبلىس­تار­دىڭ, استانا مەن الماتى قالالارىنىڭ اكىمدەرى قاتىستى. وندا تاۋەلسىزدىكتىڭ 20 جىلدىعىن وتكىزۋگە دايىندىق جۇ­مىستارى جانە تۇجىرىمداما مەن مەرەيتويدى وتكىزۋدەگى شارالار جوسپارى تالقىلاندى. مەملەكەت باسشىسى كەڭەستە سويلەگەن سوزىندە قازاقستان حال­قىنا جولداۋىن بارشا قازاق­ستان­دىقتارعا ءتۇسىندىرۋ جۇمىستارىن جان-جاقتى جۇرگىزۋ ءۇشىن ۇكى­مەتكە, مەملەكەتتىك ورگاندارعا, «نۇر وتان» پارتياسىنا تاپ­سىر­مالار بەردى.  پرەزيدەنت, سونداي-اق ەل تاۋەلسىزدىگىنىڭ 20 جىل­دى­عىن كەڭ كولەمدە اتاپ وتۋگە باي­لانىستى ويىن ورتاعا سالا كەلىپ, وسى جىلدار ىشىندە قازاق­ستان­نىڭ قول جەتكىزگەن تابىستارىن قازاقستاندىقتارعا عانا ەمەس, شەت مەملەكەتتەرگە دە تانىستىرۋ قاجەتتىگىن اتاپ كورسەتتى. تاۋەل­سىزدىك – ءبىزدىڭ ەڭ باستى يگىلىگىمىز, باعا جەتپەس قۇندىلىعىمىز, دەدى پرەزيدەنت وسى جايىندا. كەڭەستە مەرەيتويعا دايىن­دىق بارىسى جونىندە مەملەكەتتىك حاتشى – سىرتقى ىستەر ءمينيسترى قانات ساۋداباەۆ بايانداما جاسادى.  سونىمەن قاتار, پرەزيدەنت اكىمشىلىگى باسشىسىنىڭ ورىنباسارى ماۋلەن ءاشىم­باەۆ­تىڭ, مادەنيەت ءمينيسترى مۇحتار قۇل-مۇحاممەدتىڭ,  ءبىلىم جانە عى­لىم ءمينيسترى باقىتجان جۇ­ما­عۇلوۆتىڭ جانە «نۇر وتان» حا­لىقتىق-دەموكراتيالىق پارتياسى توراعاسىنىڭ ءبىرىنشى ورىن­با­سا­رى نۇرلان نىعماتۋليننىڭ حابار­لامالارى تىڭدالدى. كەڭەس قورىتىندىسىندا مەملەكەت باسشىسى قازاقستان تاۋەل­سىزدىگىنىڭ 20 جىلدىق مەرەيتويىن وتكىزۋ شارالارىنا بايلانىستى مينيسترلىكتەر باسشىلارىنا ءبىر­قاتار تاپسىرمالار بەردى. ءاليسۇلتان قۇلانباي. (كەڭەستە تالقىلانعان ماسە­لە­لەر تۋرالى كەڭەيتىلگەن ماتەريال گازەتتىڭ كەلەسى ءنومى­رىن­دە جاريالانادى).