سەلكەۋسىز سەنىم ايعاعى
مەملەكەت باسشىسى نۇرسۇلتان نازارباەۆتىڭ اتىنا قازاقستان ازاماتتارىنان قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ پرەزيدەنتتىك وكىلەتتىگىن ۇزارتۋ جونىندە رەفەرەندۋم وتكىزۋ تۋرالى جالپىۇلتتىق باستاماعا قولداۋ بىلدىرگەن حاتتار كوپتەپ كەلىپ ءتۇسۋدە, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
اتاپ ايتقاندا, قازاقستان رەسپۋبليكاسىنىڭ ۇلتتىق گيدرومەتەورولوگيالىق قىزمەتىنىڭ ۇجىمى رەفەرەندۋم وتكىزۋ جونىندەگى باستامانى ءبىراۋىزدان قولداپ وتىر. «ءسىزدىڭ بايىپتى دا دانا ساياساتىڭىزدىڭ ارقاسىندا قازاقستاننىڭ تاۋەلسىزدىگى مەن گۇلدەنۋى, بەيبىتشىلىك پەن تىنىشتىق, ەكونوميكالىق تۇراقتىلىق, حالىقتىڭ ءومىر ءسۇرۋ دەڭگەيى مەن ءال-اۋقاتىنىڭ ارتۋى, ەرتەڭگى كۇنگە دەگەن سەنىمى قامتاماسىز ەتىلگەن», – دەپ اتاپ وتىلگەن حاتتا.
سونداي-اق, «وكان» كومپانيالار توبىنىڭ ۇجىمى رەفەرەندۋم وتكىزۋ تۋرالى جالپىۇلتتىق باستامانى قولدايدى. «ءبىز قازاقستاننىڭ باستى جەتىستىگى بولىپ تابىلاتىن ۇلى ماقساتقا – الەمنىڭ ەڭ دامىعان ەلۋ ەلىنىڭ قاتارىنا كىرۋى بارلىق جاڭارۋلاردىڭ باسىندا ءبىزدىڭ مەملەكەتىمىزدىڭ نەگىزىن قۇرۋشى ءسىز, قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆ تۇرعاندا قول جەتەتىنىنە ناقتى سەنىمدىمىز. ءسىز – رەفورمالار مەن ينۆەستيتسيالاردى ىسكە اسىرۋدىڭ, ءبىزدىڭ ورتاق تۇركى الەمىندەگى بەيبىتشىلىك پەن كەلىسىمنىڭ كەپىلىسىز», – دەلىنگەن حاتتا.
ال «قازاقستان رەسپۋبليكاسىنىڭ تاتار جانە باشقۇرت ەتنومادەني بىرلەستىگى قاۋىمداستىعىنىڭ» باسشىلىعى رەفەرەندۋم وتكىزۋ جونىندەگى باستاماعا قىزۋ قولداۋ بىلدىرەدى. «2001 جىلعى 13 قاڭتاردا قاۋىمداستىق «نۇر وتان» حدپ باستاماسى بويىنشا قۇرىلعان, ەلىمىزدىڭ پرەزيدەنتى ن.ءا.نازارباەۆتىڭ پرەزيدەنتتىك وكىلەتتىگىن ۇزارتۋ جونىندەگى رەسپۋبليكالىق رەفەرەندۋمدى وتكىزۋ تۋرالى «قازاقستان-2020» جالپىۇلتتىق دەموكراتيالىق كۇشتەر كواليتسياسىنا قوسىلۋ تۋرالى مالىمدەدى. ءبىز ساياسي, ەكونوميكالىق جانە الەۋمەتتىك تۇراقتىلىقتى, بارشا قازاقستان حالقىنىڭ ءال-اۋقاتىنىڭ ارتۋى مەن گۇلدەنۋىن تەك قانا نۇرسۇلتان ءابىش ۇلى نازارباەۆتىڭ ەسىمىمەن بايلانىستىرامىز», دەپ اتاپ وتكەن حاتتا.
تەمىرتاۋ قالاسىنىڭ تۇرعىنى ۆەرا سەرگەەۆنا حومياكوۆانىڭ حاتىندا مەملەكەت باسشىسىنىڭ دانا الەۋمەتتىك ساياساتىنىڭ ارقاسىندا زەينەتكەرلەر مەملەكەتتىڭ قامقورلىعىن سەزىنىپ وتىرعانى باياندالعان. «ءبىز, زەينەتكەرلەر, ءسىزدى, نۇرسۇلتان ءابىش ۇلى, شىن نيەتىمىزبەن قولدايمىز! ءسىزدى حالىق جاقسى كورەدى, ءسىز قازاقستاندىقتار ءۇشىن كوپ ىستەر اتقاردىڭىز. قازىر ءبىزدىڭ زەينەتاقىمىز جاقسى, بارلىق زەينەتكەرلەر «ءبىزدىڭ پرەزيدەنتىمىزگە راحمەت!» دەيدى, بىزگە كورسەتكەن قامقورلىعىڭىز ءۇشىن سىزگە راحمەت! ءبىز رەفەرەندۋم وتكىزۋ تۋرالى باستامانى شىن جۇرەگىمىزبەن قولدايمىز», – دەيدى ءوز حاتىندا ۆ.حومياكوۆا.
«ءبىزدىڭ ەلىمىزدەگى بارلىق وڭ ءوزگەرىستەردى مەن پرەزيدەنت نۇرسۇلتان ءابىش ۇلى نازارباەۆپەن بايلانىستىرامىن. ونىڭ كۇش-جىگەرى, وپتيميستىگى, بىرەگەي قابىلەتتىلىگى وقيعانى ەلىمىزدىڭ تابىستى دامۋىنا جەتكىزەدى», – دەلىنگەن قوستاناي ينجەنەرلىك-پەداگوگيكالىق ۋنيۆەرسيتەتىنىڭ رەكتورى س.ەسمۇراتوۆتىڭ حاتىندا. اۆتور سونداي-اق مەملەكەت باسشىسىنىڭ ويلاستىرىلعان سىرتقى ساياساتىنىڭ ارقاسىندا وتكەن جىلى ەقىۇ-نىڭ استانا ءسامميتى تابىستى وتكەنىن جانە قازاقستان بۇگىندە كۇللى الەمگە تانىمال بولعانىن اتاپ كورسەتكەن.