سارسەنبى كۇنى پارلامەنت ماجىلىسىندە «قازاقستان رەسپۋبليكاسىنىڭ پارلامەنتىنە – 15 جىل: قالىپتاسۋى جانە دامۋى» دەگەن تاقىرىپتا عىلىمي-پراكتيكالىق كونفەرەنتسيا بولىپ ءوتتى

قازاقستان پارلامەنتىنە – 15 جىل

ءوسۋ جولى وركەندى

سارسەنبى كۇنى پارلامەنت ماجىلىسىندە «قازاقستان رەسپۋبليكاسىنىڭ پارلامەنتىنە – 15 جىل: قالىپتاسۋى جانە دامۋى» دەگەن تاقىرىپتا عىلىمي-پراكتيكالىق كونفەرەنتسيا بولىپ ءوتتى. ونىڭ جۇمىسىن ءماجىلىس توراعاسىنىڭ ورىنباسارى ۆلاديمير بوبروۆ جۇرگىزىپ وتىردى. كونفەرەنتسيا جۇمىسىن ول پارلامەنت ءماجىلىسىنىڭ توراعاسى ورال مۇحامەدجانوۆتىڭ قۇتتىق­تاۋ ءسو­زىن وقىپ بەرۋدەن باستادى. قۇت­تىقتاۋدا ەلىمىزدەگى قوس پا­لا­تالى كاسىبي پارلامەنتتىڭ 15 جىل­دا جان-جاقتى قالىپتاسقانى اتاپ ءوتى­لىپ, مەملەكەت باسشىسى نۇر­سۇل­تان نازارباەۆتىڭ قوعام ال­دىنا قوي­عان مىندەتتەمەلەردى شەشۋدە پار­لامەنتتىڭ قاجەتتى زاڭ­دار­دى قابىلداپ كەلە جاتقانى ايتىلعان. كۇن تارتىبىندەگى ماسەلە بوي­ىنشا ءماجىلىستىڭ زاڭناما جانە سوت-قۇقىقتىق رەفورما كومي­تەتى­نىڭ توراعاسى راقمەت مۇقاشەۆ ءسوز سويلەدى. ول 1995 جىلى 30 تامىزدا بۇكىلحالىقتىق رەفەرەندۋم ارقى­لى قابىلدانعان كونس­تي­تۋتسياعا سايكەس ومىرگە كەلگەن قوس پالاتالى كاسىبي پارلا­مەنت­تىڭ ءوسۋ جولدارى, سەنات پەن ءماجى­لىستىڭ زاڭ شى­عا­رۋ­داعى جەتىستىكتەرى جايىنا توقتال­دى. پار­لامەنتتىڭ قالىپتاسۋىنا قازاق­ستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ جاساعان باسشىلىق ىقپالى مەن ءرولى جايىندا ايتىپ ءوتتى. كونفەرەنتسيا باعدارلاماسىنا سايكەس «قازاقستان رەسپۋبليكاسى پار­لامەنتىمەن زاڭ شىعارۋ قىز­مەتى بولىگىندە ءوزارا ءىس-قيمىل جاساۋ ماسەلەلەرى» دەگەن تاقىرىپتا ادىلەت ءمينيسترىنىڭ ورىنباسارى دۋلات قۇسداۋلەتوۆ اڭگىمەلەدى. سو­­نىمەن قاتار, زاڭ عىلىم­دارى­نىڭ دوكتورى, قازاق گۋماني­تار­لىق-زاڭ ۋنيۆەرسيتەتىنىڭ پرەزيدەنتى, «ءادى­لەت» دەموكراتيالىق پارتياسىنىڭ توراعاسى, پارلامەنت ءماجىلىسى جا­نىنداعى قوعامدىق پالاتا توراعا­سى­نىڭ ورىنباسارى ماقسۇت ءنا­رىكباەۆ «قازاقستان پارلامەنتى: كەيبىر ماسەلەلەرى مەن دامۋ رەزەرۆتەرى» دەگەن تاقىرىپتا قوسىمشا بايانداما جاسادى. كونفەرەنتسيادا «پارلامەنت پەن قازاقستان حالقى اسسام­بلەيا­سىنىڭ ءوزارا قارىم-قاتىناسى دا­مۋىنىڭ كونستيتۋتسيالىق نەگىزدەرى» تاقىرىبىندا ساياسات عىلىم­دا­رى­نىڭ دوكتورى, قازاقستان حالقى اسسامبلەياسى توراعاسى­نىڭ ورىن­باسارى – حاتشىلىق مەڭگەرۋشىسى ەرالى توعجانوۆ ءسوز سويلەدى. «قازاقستانداعى پارلامەنت: وتكەنى, قازىرگىسى, كەلەشەگى» تاقى­رى­بى بويىنشا ساياسات عىلىم­دارى­نىڭ دوكتورى, پروفەسسور, ءماجىلىس دەپۋتاتى كامال بۇرحا­نوۆ, «قا­زاق­ستان پارلامەنتىندە سالت-ءداستۇردى دەموكراتيالان­دى­رۋ­دى قالىپ­تاس­تىرۋ تۋرالى» دەگەن تاقىرىپتا فيلوسوفيا عى­لىم­دارىنىڭ كاندي­داتى, «نۇر وتان» حدپ پارلامەنتاريزم ينس­تيتۋتىنىڭ ديرەكتورى بولات بايقاداموۆ وي-پىكىرىن ورتاعا سالدى. كونفەرەنتسيادا باسقا دا قوعام قايراتكەرلەرى, پارلامەنتشىلەر ءسوز سويلەدى. جيىن پارلامەنت ءماجىلىسى توراعاسىنىڭ ورىن­باسارى ۆلاديمير بوبروۆ­تىڭ قورىتىندى سوزىمەن اياق­تالدى. جاقسىباي سامرات.