بۇل تۋرالى ماڭعىستاۋ وبلىسىنىڭ قوعامدىق كوممۋنيكاتسيا ورتالىعىندا وتكەن بريفينگتە ماڭعىستاۋ وبلىسى ەڭبەك ينسپەكتسياسىنىڭ باسشىسى الىگەر ىڭكاروۆ مالىمدەدى.
جۇمىسشىنىڭ ەڭبەك شارتىنا ەنگىزىلگەن وزگەرىستەرگە سايكەس تولىق ەمەس جۇمىس ۋاقىتىن 3 ادىسپەن جۇزەگە اسىرۋعا بولادى. جۇمىس كۇنى, ياعني كۇندەلىكتى جۇمىس ۇزاقتىعىنىڭ نورماسىن ازايتۋ, جۇمىس اپتاسىنداعى جۇمىس كۇندەرىنىڭ سانىن قىسقارتۋ, سونداي-اق, اتالعان جاعدايلاردى ءوزارا بىرگە قولدانۋ.
مۇنداي جاعدايدا جالاقى جۇمىسكەرگە ناقتى جۇمىس ىستەگەن ۋاقىتى ءۇشىن تولەنەدى.
تاراپتاردىڭ كەلىسىمى بويىنشا جانە وندىرىستىك پروتسەستەر مۇمكىندىك بەرگەن جاعدايدا, جۇمىس بەرۋشى قاشىقتان ورىندالاتىن جۇمىس بەلگىلەۋى مۇمكىن. ياعني, جۇمىس بەرۋشى ورنالاسقان جەردەن تىس, جۇمىس پروتسەسىندە اقپاراتتىق-كوممۋنيكاتسيالىق تەحنولوگيالاردى قولدانۋ ارقىلى جۇمىس اتقارا الادى. سونداي-اق جۇمىس بەرۋشى جۇمىسكەردىڭ ناقتى جۇمىس ىستەگەن ۋاقىتىنا اقى تولەنەدى.
قازاقستاننىڭ باس مەملەكەتتىك دارىگەرىنىڭ قاۋلىسىنا سايكەس, بارلىق كارانتينگە الىنعان قىزمەتكەرگە ەڭبەككە ۋاقىتشا جارامسىزدىق پاراعى بەرىلەدى. ەڭبەككە ۋاقىتشا جارامسىزدىق بويىنشا جاردەماقى تولەۋ زاڭناماعا سايكەس ايىنا 15 مرپ-دان اسپايتىن مولشەردە جۇزەگە اسىرىلادى. ەڭبەك زاڭناماسىنا سايكەس وسىنداي توتەنشە جاعدايلاردا جۇمىسشىلاردىڭ ەڭبەك قىزمەتىن جۇزەگە اسىرۋدىڭ ءارتۇرلى تەتىكتەرى قاراستىرىلعان. سونىڭ ىشىندە تولىق ەمەس جۇمىس ۋاقىتى رەجيمىن بەلگىلەۋ, قاشىقتان جۇمىس ىستەۋ, باسقا جۇمىسقا ۋاقىتشا اۋىستىرۋ جانە تاعى باسقا.
- تاعى ءبىر ماسەلە. ۆاحتالىق ادىستە جۇمىس جاسايتىندار بار. بۇل جاعدايدا جۇمىس بەرۋشى 28 كۇنگە دەيىن ۆاحتالىق ءادىستىڭ جۇمىس كەستەسىن ءوزى جاساقتاي الادى. بۇگىنگى كۇنى «قاراجانباس», «قالامقاس», «ماڭعىستاۋمۇنايگاز» سەكىلدى ءىرى مۇناي مەكەمەلەرىنىڭ كەستەسى 10 كۇندى قۇراپ وتىر. جۇمىس بەرۋشى قازىرگى جاعدايعا بايلانىستى ۆاحتا كەستەسىن وزگەرتە الادى. دەگەنمەن, زاڭ اياسىندا بولۋ كەرەك. جۇمىسكەرلەردىڭ ەڭبەكاقىسى تەك جۇمىس ىستەگەن كۇندەرگە عانا تولەنەدى. 10-15 كۇن بولسىن ايىرماشىلىق جوق, - دەدى ماڭعىستاۋ وبلىسى ەڭبەك ينسپەكتسياسىنىڭ باسشىسى الىگەر ىڭكاروۆ.
ماڭعىستاۋ وبلىسى