بۇگىن رەسپۋبليكادا ءتۇرلى مادەني ءىس-شارالار وتەدى. اتاپ ايتساق, EXPO حالىقارالىق كورمە ورتالىعىنىڭ الاڭىندا ناۋرىز مەيرامىنا ارنالعان كونتسەرت ۇيىمداستىرىلادى, دەپ حابارلايدى Egemen.kz.
مادەنيەت جانە اقپارات مينيسترللىگىنىڭ مالىمەتىنشە, الماتى قالاسىندا ناتاليا ساتس اتىنداعى مەملەكەتتىك اكادەميالىق ورىس بالالار مەن جاسوسپىرىمدەر تەاترى «ۋرا! ناۋرىز! كانيكۋلى» فەستيۆالىن وتكىزىپ, تەاتر رەپەرتۋارىنداعى سپەكتاكلدەردىڭ كورسەتىلىمىن ۇسىنادى.
ەلوردادا قالانىڭ بىرقاتار الاڭدارىندا «ناۋرىز – بەرەكە باستاۋى» اتتى كونتسەرتتىك باعدارلامالار, كوپشىلىككە ارنالعان, ەتنومادەني ءىس-شارالار مەن ينتەراكتيۆتى جوبالار وتەدى. الماتىدا مەرەكەلىك كونتسەرتتەر, فەستيۆالدەر ۇيىمداستىرىلادى.
شىمكەنت قالاسىنداعى «استانا» الاڭىندا جانە قالالىق ساياباقتاردا « ۇلىستىڭ ۇلى كۇنى – ناۋرىز» مەرەكەسى, گاسترونوميالىق فەستيۆال, «Nauryz AI» IT ءىس-شاراسى, سونداي-اق گالا-كونتسەرت وتەدى.
ناۋرىزدىڭ رۋحىن اسقاقتاتقان ءان
ەل وڭىرلەرىندە دە كونتسەرتتەر, قويىلىمدار, فەستيۆالدەر, قوعامدىق اكتسيالار جوسپارلانعان. بۇل ءىس-شارالار تۇرعىنداردى دوستىق, تاتۋلىق پەن ءوزارا سىيلاستىقتى ناسيحاتتاۋ ماقساتىندا ۇيىمداستىرىلماق.
ايتا كەتەيىك, ناۋرىزناما كۇنتىزبەسىنە سايكەس 20 ناۋرىزدا ەلىمىزدە ۇلتتىق سپورت كۇنى اتالىپ ءوتتى. بۇل كۇن ءتول سپورتىمىزدى دارىپتەۋگە, ناسيحاتتاۋعا جانە ونى زاماناۋي ۇردىستەرمەن ۇشتاستىرا وتىرىپ, ۇلتتىق بىرەگەيلىكتى نىعايتۋعا باعىتتالعان ماڭىزدى داتا.