ادام كاپيتالى – ەلدى ساپالاندىراتىن نەگىز

كەزدەسۋ بارىسىندا قاتىسۋشىلار زياتكەرلىك الەۋەت, ونىڭ قوعامداعى ءرولى مەن قازىرگى زامان تالاپتارىنا ساي جاستاردىڭ دامۋ باعىتتارى جونىندە جان-جاقتى پىكىر الماستى. باسقوسۋدا ورتالىق ديرەكتورى باقىتجان تەمىر­بولات قابىلدانعان جاڭا كونس­تيتۋتسيادا ادام كاپيتالى ەڭ باستى قۇندىلىق رەتىندە ايقىن­دالعانىن اتاپ ءوتتى.

«كەزدەسۋ ەلىمىزدىڭ سايا­سي دامۋىنىڭ ماڭىزدى كەزەڭىندە ءوتىپ وتىر. جاڭا كونستيتۋتسيانىڭ باس­تى قاعيداتىنىڭ ءبىرى – ازاماتتىڭ, ونىڭ قۇقىق­تارى مەن مۇددەلەرىنىڭ باسىمدىعى, سوندىقتان ادام كاپيتالى ەلىمىزدىڭ باستى بايلىعى بولىپ جاريالاندى. بۇگىندە ءبىلىم, قۇزىرەت, يننوۆاتسيالىق ويلاۋ جانە بەلسەندى ازاماتتىق ۇستانىم – پروگرەستىڭ نەگىزگى قوزعاۋشى كۇشى. بۇل – ستۋدەنت جاستار ءۇشىن ايرىق­شا ماڭىزدى», دەگەن ول ەلدىڭ بولا­شاق كادرىنا ۇلكەن جاۋاپكەرشىلىك جۇكتەلەتىنىن جەتكىزدى.

ب.تەمىربولاتتىڭ ايتۋىنشا, بۇگىنگى جاستار – ەرتەڭگى بىلىكتى ماماندار, عالىم, ينجەنەر, پەداگوگ پەن دارىگەر رەتىندە مەملەكەتتىڭ زياتكەرلىك ءارى كاسىبي نەگىزىن قالىپتاستىرادى. وسىلايشا, ورتالىق ديرەكتورى وتانداستارىمىزدى جان-جاقتى دامۋعا, ءبىلىم مەن تاجىريبەنى ۇشتاستىرا وتىرىپ, ەل يگىلىگى جولىندا قىزمەت ەتۋگە شاقىردى.

ستاتيستيكالىق دەرەكتەرگە كوز جۇگىرتسەك, بۇگىندە ەلىمىزدە 14 پەن 35 جاس ارا­لىعىنداعى شامامەن 6 ميلليون جاس بار. بۇل – جالپى حالىق سانىنىڭ 28 پايىزى. دەمەك, جاستار ەل­دىڭ الەۋ­مەتتىك-ەكونوميكالىق دامۋىندا شەشۋشى ءرول اتقارادى.

باسقوسۋدا ءماجىلىس دەپۋتاتى نيكيتا شاتالوۆ ادام كاپيتالىنا سالىنعان ينۆەس­تيتسيانى ەلدىڭ بولاشاعى­نا جاسالعان ينۆەستيتسيا رە­تىن­دە باعالادى. ول مەملەكەت ازاماتتاردى قولداپ قانا قويماي, ولاردىڭ جان-جاقتى دامۋىنا جاعداي جاساۋ كەرەك دەدى. سونىمەن قاتار قازىرگى ەڭبەك نارىعىندا تەك كاسىبي ءبىلىم ەمەس, تاباندىلىق, ىشكى ءتارتىپ, بەيىمدەلگىشتىك جانە دۇرىس شەشىم قابىلداي ءبىلۋ سەكىلدى جەكە قاسيەتتەردىڭ ماڭىزدى ەكەنىن ايتتى.

ء«بىر سالاعا شەكتەلىپ قالماي, ءارتۇرلى باعىتتا دامۋ, كوزقاراستى كەڭەيتۋ, تاجى­ريبە جيناۋ كەرەك. ءدال وسى قا­­سيەتتەر يكەمدى ويلاۋعا ۇي­رە­تىپ, ۋاقىت اعىمى جۇيرىك زا­مان­­دا سۇرانىسقا يە بولۋعا مۇم­­كىندىك بەرەدى», دەدى دەپۋتات.

ريو-دە-جانەيرو وليم­پيادا­سى­نىڭ قولا جۇلدەگەرى, ازيا چەمپيو­ناتى­نىڭ ەكى دۇركىن جەڭىمپازى, ازيا ويىندارىنىڭ جۇلدە­گەرى, ۇوك سپورتشىلار كوميسسياسىنىڭ مۇشەسى ەلميرا سىزدىقوۆا جاس بۋىنعا ءوز ىسىنە ادال بولۋدى, ماقساتقا جەتۋ جولىندا تاباندىلىقتىڭ ماڭىزىن ءتۇسىندىردى.

«ەڭ باستىسى – ادام ءوز ىسىنەن ءلاززات الۋى كەرەك. سپورتتاعى ۇزاق جىلعى تاجىريبەمنەن تۇيگەنىم – قيىندىققا مويىماي, ساتسىزدىككە مۇقالماي, ارمانىڭا ادال بولۋ. قازاقتا «تاۋەكەل ءتۇبى – جەلقايىق, وتەسىڭ دە كەتەسىڭ» دەيدى. كەيدە العا ۇمتىلۋعا باتىل شەشىم قابىلداپ, تاۋەكەلگە بارا ءبىلۋ قاجەت», دەدى سپورتشى.

كاسىپكەر اسىلجان قازي ستۋدەنتتەرگە بيزنەستەگى تاجىريبەسىمەن ءبولىسىپ, قيىندىقتاردى ەڭسەرۋگە كومەكتەسەتىن كەڭەسىمەن ءبولىستى. سونداي-اق ءار ادام­نىڭ ءونىمدى ەڭبەگى, ەل ومىرىنە بەلسەندى قاتىسۋى مىقتى ءارى ءادىل قازاقستاننىڭ نەگىزىن قالىپتاستىراتىنىن اتاپ ءوتتى.

پىكىرتالاس اياعىندا قاتى­سۋشىلار كاسىبي دامۋ, جەكە برەند قالىپتاستىرۋ, زاماناۋي ەڭبەك نارىعىندا سۇرانىسقا يە بولۋ باعىتىندا ناقتى ۇسىنىس الىپ, وزدەرىن تولعاندىرعان سۇراقتارىن دا قويىپ ۇلگەردى.