مەملەكەتتىك كەڭەسشى ەرلان قارين پرەزيدەنتتىڭ «تازا قازاقستان» باستاماسىن جۇزەگە اسىرۋ ماسەلەلەرى جونىندە جيىن وتكىزدى. كەڭەسكە مەملەكەتتىك ورگاندار مەن پرەزيدەنت اكىمشىلىگى قۇرىلىمدىق بولىمشەلەرىنىڭ باسشىلارى قاتىستى.
ەرلان قارين ناۋرىزناما اياسىندا «تازارۋ» كۇنىن اتاپ ءوتۋ جالپىۇلتتىق «تازا قازاقستان» جوباسىن ودان ءارى ىسكە اسىرۋعا جاڭا سەرپىن بەرەتىنىن جەتكىزدى.
مەملەكەتتىك كەڭەسشى «تازا قازاقستان» قۇندىلىقتارى جاڭا كونستيتۋتسيانىڭ قاعيداتتارىنا تولىق ساي كەلەتىنىن ەسكە سالدى.
«جاۋاپتى ءارى جاسامپاز وتانشىلدىق يدەياسىن ىلگەرىلەتۋ اتا زاڭنىڭ 3-بابىنىڭ 1-تارماعىنداعى قازاقستان رەسپۋبليكاسى قىزمەتىنىڭ نەگىز قۇراۋشى قاعيداتتارىنىڭ ءبىرى رەتىندە بەكىتىلگەن. «تازا قازاقستان» اتالعان كونستيتۋتسيالىق قاعيداتتى ناقتى جۇزەگە اسىرۋدا يدەولوگيالىق الاڭعا اينالا الادى», دەدى ەرلان قارين.
مەملەكەتتىك كەڭەسشى بۇل ىسكە قوعامداستىقتى, ەڭ الدىمەن, ەرىكتىلەر مەن جاستار ۇيىمدارىن كەڭىنەن تارتۋ, سونداي-اق «تازا قازاقستان» جوباسى اياسىندا وتكىزىلەتىن اكتسيالار مەن ءىس-شارالاردى اقپاراتتىق تۇرعىدان جان-جاقتى سۇيەمەلدەۋ جونىندە ناقتى تاپسىرما بەردى.