ماڭعىستاۋ وبلىسى پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسى قىزمەتكەرلەرىنىڭ ۇيىمداستىرۋىمەن وبلىس اۋماعىندا 2020 جىلدىڭ 10 ناۋرىزىنان باستاپ «دارمەك» جەدەل-پروفيلاكتيكالىق ءىس-شاراسى وتۋدە. شارا ماقساتى رەسپۋبليكا اۋماعىندا ەسىرتكى قۇرالدارىن وتكىزۋ دەرەكتەرىن انىقتاۋدىڭ جانە جولىن كەسۋدىڭ تيىمدىلىگىن ارتتىرۋ. بۇل تۋرالى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى حابارلادى.
ماسەلەن بيىل 8 ناۋرىز كۇنى ساعات 21:30 شاماسىندا مۇنايلى اۋدانى باتىر اۋىلدىق وكرۋگى, «بولاشاق» شاعىناۋدانىنداعى كوشە تۇرعىنىنان ءتىنتۋ كەزىندە, كيىمىنەن وڭ قالتاسىنان اق ءتۇستى قاعازعا ورالعان زاتتى وزىندىك ءتان ءيىسى بار, وسىمدىك تارىزدەس زات انىقتالىپ, ايعاق زات رەتىندە الىندى. ساراپتاما كورىتىندىسىنا سايكەس ماريحۋانا ەسىرتكى زاتى ەكەنىن انىقتالدى. سالماعى – 0,85 گرامم. اتالعان دەرەك بويىنشا سوتقا دەيىنگى تەرگەۋ امالدارى جۇرگىزىلۋدە.
ءدال وسىنداي دەرەك ماڭعىستاۋ اۋىلى تۇرعىنىنىڭ قالتاسىنان ءتىنتۋ كەزىندە 5 دانا تەمەكىزات انىقتالىپ, ايعاق زات رەتىندە الىندى. ساراپتاما كورىتىندىسىنا سايكەس ماريحۋانا ەسىرتكى زاتى ەكەنى انىقتالدى. سالماعى 1,25 گرامم. اتالعان دەرەك بويىنشا سوتقا دەيىنگى تەرگەۋ امالدارى جۇرگىزىلۋدە.
سونىمەن قاتار, ماڭعىستاۋ وبلىسى پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى 09.03.2020 جىلى ساعات 12:30 شاماسىندا اقتاۋ قالاسى «پريوزەرنىي» ەلدى مەكەنىندە «ۇلجان» ايالداماسىنىڭ ارتىندا ورنالاسقان ءدارىحانادا دارىگەردىڭ رەتسەپتىسىز «ترامادول» ءدارىسى ساتىلعانى انىقتالعان. دەرەك تىركەلىپ, قازىرگى ۋاقىتتا قر اقبتك-ءنىڭ 426-بابى «فارماتسەۆتيكالىق قىزمەتتىڭ جانە دارىلىك زاتتار مەن مەديتسينالىق بۇيىمداردىڭ اينالىسى سالاسىنىڭ قاعيدالارىن بۇزۋ» بويىنشا ءتارتىپ بۇزۋشىنى اكىمشىلىك جاۋاپكەرشىلىككە تارتۋ ماسەلەسى قاراستىرىلۋدا.
ماڭعىستاۋ وبلىسى