اقتاۋ قالاسىنداعى نازارباەۆ زياتكەرلىك مەكتەبىنىڭ كىتاپحاناشىلارى جانە «Bookstart» جوباسىنىڭ قاتىسۋشىلارى 8 ناۋرىز حالىقارالىق ايەلدەر كۇنى قارساڭىندا وبلىس ورتالىعىنداعى «انالار ۇيىنە» باردى. ولار جاس انالاردى قۇتتىقتاپ, بۇلدىرشىندەرگە كىتاپتار مەن ويىنشىقتار سىيلادى. بۇل تۋرالى اتالعان مەكتەپتىڭ ءباسپاسوز قىزمەتى حابارلادى.
– «نازارباەۆ زياتكەرلىك مەكتەپتەرى» دببۇ «Bookstart» اۆتورلىق جوباسى اتا-انانىڭ كومەگىمەن بالا بويىنا كىتاپ وقۋ مادەنيەتىن ءسىڭىرۋدى كوزدەيدى. اقتاۋداعى نازارباەۆ زياتكەرلىك مەكتەبى بيىل ءۇشىنشى جىل قاتارىنان بۇل جوبا بويىنشا «انالار ۇيىندەگى» بالالارعا كىتاپ سىيلاپ كەلەدى, دەيدى اعا-كىتاپحاناشى جانار باحيتوۆا.
«Bookstart» جوباسىنىڭ تۇراقتى قولداۋشى وقۋشىلارى 15 كىتاپ سىيلاپ بۇلدىرشىندەرگە قوسىمشا ويىنشىقتار دا تابىستادى.
– انالار ءۇيىنىڭ بۇلدىرشىندەرىنىڭ جاسى كىشكەنتاي بولعاندىقتان كوبىنەسە ەرتەگى, بوياۋى قانىق, جۇقا مۇقابالى كىتاپتاردى سىيلاۋعا تىرىسامىز. ويتكەنى كۇردەلى كىتاپتاردى ءتۇسىنۋ بالالارعا قيىن. انالار بوس ۋاقىتىندا كىتاپتاردى وقىپ بەرىپ, ءوزارا ءتىل تابىسادى, ءبىر-بىرىنە جاقىنداي تۇسەدى, دەيدى كىتاپحاناشى دينارا قايراتبەكقىزى
وقۋشىلار اتالعان جوباعا قاتىسقاندىقتارىنا وتە قۋانىشتى ەكەندەرىن ايتادى.
انالار ۇيىندەگى بالالار اۋىسىپ تۇرادى. سوندىقتان ءار بارعاندا ءارتۇرلى بوبەكتەردى جولىقتىرامىز. ويىنشىقتار سىيلاپ, ولارمەن ويناپ, كوڭىل-كۇيىمىز كوتەرىلىپ قالادى, دەيدى 12-سىنىپ وقۋشىسى نۇرسايا سارعوجاەۆا.
ماڭعىستاۋ وبلىسى