ماڭعىستاۋ وبلىسى كولەمىندە 7 سانيتارلىق كارانتيندىك پۋنكت جۇمىس ىستەيدى. ونىڭ ىشىندە 2-ءۋى اۆتوكولىك بەكەتىندەگى «تەمىر-بابا», «تاجەن», 2-ءۋى اقتاۋ, قۇرىق تەڭىز پورتتارىندا, 1-ءۋى اۋەجايدا, 2-ءۋى تەمىرجولى كولىگىندە «بولاشاق» ستانتسياسى, «وازيس» بەينەۋ ستانتسياسىندا. بارلىق سكپ - دا كەلگەن ازاماتتاردىڭ بارلىعى تەپلوۆيزورمەن تەكسەرىلىپ قارالادى. بۇل تۋرالى ماڭعىستاۋ وبلىسى وڭىرلىك كوممۋنيكاتسيالار ورتالىعىندا وتكەن بريفينگتە ايتىلدى.
ماڭعىستاۋ وبلىسى كولەمىندە شەت مەملەكەتتەردەن كەلەتىن ازاماتتاردى قازاقستان رەسپۋبليكاسىنىڭ شەكاراسىنان وتكىزۋ بارىسىندا ارنايى سانيتارلىق كارانتيندىك پۋنكتتەردىڭ بولىمشەلەرىندە ماماندارمەن قىزمەت كورسەتىلەدى, دەدى ماڭعىستاۋ وبلىسى دەنساۋلىق ساقتاۋ باسقارماسىنىڭ باسشىسى ءانۋار ساعىمباەۆ.
حالىقارالىق اۋەجايداعى سانيتارلىق كارانتيندىك پۋنكتتەرىنە كومەككە اقتوبە قالاسىنان 4 مامان, وباعا قارسى كۇرەس ستانتسياسىنان جانە ماڭعىستاۋ وبلىسىنىڭ تاۋارلارمەن كورسەتىلەتىن قىزمەتتەردىڭ ساپاسىمەن قاۋىپسىزدىگىن باقىلاۋ دەپارتامەنتى ماماندارى جۇمىلدىرىلدى.