ماڭعىستاۋ ءوڭىرى – ءتۋريزمدى دامىتۋعا مۇمكىندىگى مول ءوڭىر. «قازاقستان رەسپۋبليكاسىنىڭ تۋريستىك سالاسىن دامىتۋدىڭ 2019-2025 جىلدارعا ارنالعان» مەملەكەتتىك باعدارلاماسىنا كاسپي تەڭىزىنىڭ جاعالاۋىندا تەڭىز كۋرورتىنىڭ ينجەنەرلىك-كوممۋنيكاتسيالىق ينفراقۇرىلىمىن دامىتۋ بويىنشا ءىس-شارالار ەنگىزىلۋى ولكەنىڭ تۋريستىك كەلبەتىن ايقىنداي تۇسەدى.
قازىرگى تاڭدا جەرگىلىكتى بيۋدجەت قاراجاتى ەسەبىنەن اقتاۋ مەن قۇرىق پورتى ارالىعىنداعى تەڭىز جاعالاۋىنىڭ ينفراقۇرىلىمىن دامىتۋ, ونىڭ ىشىندە ەلەكتر قۋاتىمەن, سۋمەن, گازبەن قامتۋ جۇمىستارى جۇرگىزىلۋدە. سونىمەن قاتار اقتاۋ قالاسىنان «الاۋ» بالالاردى ساۋىقتىرۋ لاگەرىنە دەيىنگى 4 جولاقتى قوزعالىستاعى, ودان ءارى قۇرىق پارومدىق كەشەنىنە دەيىنگى 2 جولاقتى قوزعالىستاعى اۆتوجولدىڭ قۇرىلىسىن سالۋ جانە قايتا قۇرىلىمداۋ بويىنشا قارقىندى جۇمىستار جۇرگىزىلۋدە.
ايتا كەتەيىك, بىلتىر ماڭعىستاۋ وڭىرىنە كەلگەن تۋريست سانى 200 مىڭنان استى. ولارعا كورسەتىلگەن قىزمەت كولەمى 4,1 ملرد تەڭگەنى قۇراپ, 104,3%-عا وسكەن.
ماڭعىستاۋ وبلىسى