2006 جىلى 12 تامىزدا كۇشىنە ەنگەن كاسپي تەڭىزىنىڭ تەڭىز ورتاسىن قورعاۋ جونىندەگى نەگىزدىك كونۆەنتسيانى (تەگەران كونۆەنتسياسىن) جۇزەگە اسىرۋ پروتسەسىنە كوپشىلىكتى تارتۋ ماقساتىندا كاسپي ايماعىنداعى بارلىق بەس مەملەكەتتە «كاسپي كۇنى» اتاپ وتىلەدى. بۇل تۋرالى ماڭعىستاۋ وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ءباسپاسوز قىزمەتى حابارلادى.
قازاقستان ءۇشىن, اسىرەسە اقتاۋ قالاسى تۇرعىندارى ءۇشىن كاسپي تەڭىزىنىڭ قورشاعان ورتاسىنىڭ پروبلەمالارىنا قوعامنىڭ ىنتا-ىقىلاسىن اۋدارۋعا اسەر ەتەتىن كاسپي كۇنى ەرەكشە مەرەكە بولىپ تابىلادى.
قازاقستان بويىنشا كاسپي كۇنى جىل سايىن ماڭعىستاۋ جانە اتىراۋ وبلىستارىندا اتاپ وتىلەدى. نەگىزگى ءىس-شارا اقتاۋ قالاسىندا كاسپي تەڭىزىنىڭ اسەم جاعالاۋىندا ماڭعىستاۋ وبلىسى اكىمدىگىنىڭ, ەكولوگيا, گەولوگيا جانە تابيعي رەسۋرستار مينيسترلىگىمەن جانە تەگەران كونۆەنتسياسى حاتشىلىعىمەن ىنتىماقتاسىپ وتكىزىلەدى.
مەرەكە اياسىندا ماڭعىستاۋ وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ تاپسىرىسىمەن 2019 جىلدىڭ 10 تامىزىندا سامال شاعىن-اۋدانىنا I love Aktau جاعا جايىنا دەيىنگى 3,1 شاقىرىم قاشىقتىقتا «ۆەلوكروسس» وتكىزىلدى. بۇل شاراعا قالا تۇرعىندارى, اسىرەسە جاستار بەلسەندى قاتىستى.
سونىمەن قاتار 2019 جىلدىڭ 12 تامىزىندا 4 ش/ا تەڭىز جاعالاۋىندا بالالارعا ارنالعان سۋرەت سالۋ جانە ت.ب. شارالار ۇيىمداستىرىلدى. قالانىڭ ورتالىق كوشەلەرىندە باننەرلەر ءىلىنىپ, 14 ش/ا ورتالىق كوشەسىندە لەد ەكراننان كاسپي كۇنىنە وراي ارنايى دايىندالعان بەينەروليك كورسەتىلدى.
ەكولوگيا, گەولوگيا جانە تابيعي رەسۋرستار مينيسترلىگى جانە پرەمەر-مينيستر اسقار ءماميننىڭ قولداۋىمەن جانە 12 تامىز - كاسپي كۇنى مەرەكەسىنە وراي 2019 جىلى 10 تامىز كۇنى بالىق شارۋاشىلىعى اۋدانىنىڭ № 5-ۋچاسكەسىندە «بىرگە - تازا قازاقستان» اتتى ەكولوگيالىق سانيتارلىق تازالاۋ اكتسياسى جۇرگىزىلگەن بولاتىن.
اتالعان باسقارمانىڭ حابارلاۋىنشا, «كاسپي كۇنى» مەرەكەسى بيىل دا ەرەكشە اتالىپ وتپەك.
ماڭعىستاۋ وبلىسى