ماڭعىستاۋ وبلىسىنىڭ كاسىپكەرلەر پالاتاسىندا وبلىسى اكىمى س. ترۇموۆتىڭ قاتىسۋىمەن وڭىرلىك كەڭەسى مۇشەلەرىمەن كەڭەيتىلگەن وتىرىس ءوتتى. بۇل تۋرالى ماڭعىستاۋ وبلىسى «اتامەكەن» كاسىپكەرلەر پالاتاسى ءباسپاسوز قىزمەتى حابارلادى.
- ۇكىمەت تاپسىرماسىنا سايكەس, ماڭعىستاۋ وبلىسىنىڭ اكىمدىگىنە الەۋمەتتىك-ينۆەستيتسيالىق جوبالاردى جاساقتاۋ تاپسىرىلعان بولاتىن. وسىعان وراي, جاڭاوزەن قالاسىندا جۇمىسپەن قامتۋدى ىنتالاندىرۋ ءۇشىن «وزەنمۇنايگاز» اكتسيونەرلىك قوعامىنىڭ ساتىپ الۋلارىن وقشاۋلاۋ ارقىلى كاسىپكەرلىك سۋبەكتىلەرىن تارتۋ جۇمىستارى جۇرگىزىلىپ, قورىتىندىسىندا 33 كومپانيادان 39 جوبا بويىنشا ۇسىنىس كەلىپ تۇسكەن بولاتىن, دەپ اتاپ ءوتتى وبلىس اكىمى سەرىكباي ترۇموۆ.
ماڭعىستاۋ وبلىسىنىڭ كاسىپكەرلەر پالاتاسىنىڭ ديرەكتورى نۇربەك قاراساەۆتىڭ ايتۋىنشا, بارلىق جوبالار بويىنشا ينۆەستيتسيا قۇنى 25 ملرد تەڭگەنى قۇرايدى جانە 1 300-دەن استام جاڭا جۇمىس ورىندارى اشىلادى دەپ جوسپارلانۋدا. قازىرگى تاڭدا قۇنى 759 ملن تەڭگەنى قۇرايتىن ەكى جوبا بويىنشا كەلىسىم-شارتقا قول قويىلدى, ونىڭ ناتيجەسىندە 50-دەن استام جاڭا جۇمىس ورىندارى اشىلاتىن بولادى. كەلىسىمشارت جاساقتاۋ ساتىسىندا 5 جوبا قاراستىرىلۋدا. بارلىق 39 كاسىپورىن 2020-2021 جىلدار ارالىعىندا جاڭاوزەن قالاسىندا ىسكە جوسىلىپ, قالانىڭ جۇمىسسىزدارىن قايتا وقىتۋ ارقىلى وسىندا ورنالاستىرۋ كوزدەلىپ وتىر. ءوندىرىس ورىندار قاتارىن شىنى تالشىقتى قۇبىرلار زاۋىتى, ەلەكتر قوزعالتقىشتارى مەن مۇناي جىلىتۋ پەشتەرىن شىعاراتىن كاسىپورىندار قۇراماق.