وتكەن جىلى باسقارما تاراپىنان «حالىققا قىزمەت كورسەتۋ» ورتالىعىمەن بىرلەسىپ «قورشاعان ورتاعا مىندەتتى تابىس سالىعى مەن ەميسسيا ءۇشىن بيۋدجەتكە تۇسەتىن تولەمدەر» بويىنشا تابيعات پايدالانۋشىلارعا ءتۇسىندىرۋ جۇمىستارى تۇراقتى تۇردە جۇرگىزىلىپ وتىر. بۇل تۋرالى ماڭعىستاۋ وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ءباسپاسوز قىزمەتى حابارلادى.
قالا جانە اۋدان ورتالىقتارىندا وتكىزىلگەن جينالىستاردىڭ ناتيجەسىندە حالىقتىڭ كوكەيىندە جۇرگەن ساۋالدار بويىنشا تولىقتاي اقپاراتتار بەرىلدى جانە قورشاعان ورتاعا ەميسسيالارعا رۇقسات الۋ بويىنشا بروشيۋرالار تاراتىلدى. ناتيجەسىندە, قورشاعان ورتاعا ەميسسيالارعا مۇلدەم رۇقسات الماعان مەكەمەلەر جانە رۇقساتى بولا تۇرا تولەمىن جۇرگىزىلمەگەن مەكەمەلەر باسقارماعا حابارلاسىپ, ولارعا جەكە اقپاراتتار بەرىلىپ, قازىرگى تاڭدا رۇقسات الۋ جانە تولەنبەگەن قاراجاتتار بويىنشا تولەمدەردى تولەۋ جۇمىستارى تۇراقتى تۇردە جۇرگىزىلىپ جاتىر.
2019 جىلدان باستاپ «قارجىلاندىرۋ كوزدەرىنە قاراماستان, جاڭا ۇيلەر مەن عيماراتتاردى, ولاردىڭ كەشەندەرىن, ينجەنەرلىك جانە كولىك كوممۋنيكاتسيالارىن سالۋعا, سونداي-اق بۇرىننان بارىن وزگەرتۋگە (رەكونسترۋكتسيالاۋعا, كەڭەيتۋگە, تەحنيكالىق قايتا جاراقتاندىرۋعا, جاڭعىرتۋعا جانە كۇردەلى جوندەۋگە) ارنالعان تەحنيكالىق-ەكونوميكالىق نەگىزدەمەلەرگە جانە جوبالاۋ-سمەتالىق قۇجاتتاماعا ۆەدومستۆودان تىس كەشەندى ساراپتاما جۇرگىزۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 1 ساۋىردەگى № 299 بۇيرىعىنا ەنگىزىلگەن سوڭعى وزگەرىستەرگە سايكەس, بارلىق قۇرىلىس مەكەمەلەرىنە كەشەندى ساراپتاما قورتىندىسى, قورشاعان ورتا ەميسسيالارىنا رۇقسات قاعازىمەن قوسا بەرىلەدى.
بۇل ءوز كەزەگىندە كورسەتىلەتىن 2 مەملەكەتتىك قىزمەتتەردى بىرىكتىرۋ ارقىلى, مەملەكەتتىك ورگاننىڭ جۇمىسىن ءتيىمدى قىلۋعا جانە تابيعات پايدالانۋشىلارعا ۋاقىت ۇنەمدەۋگە, ۇسىناتىن قاجەتتى قۇجاتتار توپتاماسىن ازايتۋعا سەپتىگىن تيگىزدى.
ماڭعىستاۋ وبلىسى