اقتاۋدا ازاماتتىق قورعانىس كۇنى اتاپ ءوتىلدى

ايلىقتى وتكىزۋ كەزىندە ەرەكشە نازار بۇقارالىق اقپارات قۇرالدارى ارقىلى كەڭىنەن ءتۇسىندىرۋ جۇمىستارىنا, وقۋ ورىندارىندا جارىستار, اشىق ساباقتار مەن سايىستاردى وتكىزۋگە ءبولىندى.

ازاماتتىق قورعانىس ايلىعى اياسىندا دەپارتامەنتتىڭ بولىمشەلەرىندەگى جەدەل-كەزەكشى اۋىسىمدارىنىڭ تۇرمىسى مەن كۇندەلىكتى ومىرلەرىن بالالارعا كورنەكى ءتۇسىندىرۋ ءۇشىن وبلىس وقۋشىلارىنا ەكسكۋرسيالار ۇيىمداستىرىلدى. سونداي-اق بارلىق وقۋ ورىندارىندا ازاماتتىق قورعانىس سۇراقتارى بويىنشا اقپاراتتىق ستەندتەر راسىمدەلدى.

اقتاۋ قالاسىنىڭ №1 سپورت زالىندا باستاۋىش سىنىپتاردىڭ وقۋشىلارى اراسىندا ء«وزىڭدى قورعا!» اكتسياسىن ۇيىمداستىرىپ, كوڭىلدى ستارتتاردى وتكىزگەن «وقۋشىلار ورتالىعى» اتالعان كۇنگە قاتىستى ءىس-شارالارعا قاتىسقان ءارى  بەلسەندى جۇزەگە اسىرعان ۇيىمداردىڭ ءبىرى بولىپ تابىلادى.

جارىستاردا بالالار ءۇي جانۋارلارىن تۇتىندەلگەن بولمەلەردەن قۇتقارۋ, جانە نىساناعا دوپ لاقتىرۋ, ۇشاقتاردا ايماق كورىنىسى جانە ت.ب. ەلەمەنتتەردى كورسەتتى. بارلىق قاتىسۋشىلارعا دەپارتامەنت باستىعى اتىنان سايكەسىنشە ديپلومدار مەن سىيلىقتار تابىس ەتىلدى.

ازاماتتىق قورعانىس كۇنىنە وراي تاقىرىپتىق ءىس-شارالار اۋداندار مەن قالالاردا وتكىزىلدى.

مىسالى «جاڭاوزەن قالاسى توتەنشە جاعدايلار ءبولىمى» جاڭاوزەن قالاسىنىڭ بالاباقشا بۇلدىرشىندەرى اراسىندا سۋرەت سالۋ سايىسىن ۇيىمداستىردى. ءىس-شارا ماقساتى بالالارعا ءورت قاۋىپسىزدىگىن ەرەجەلەرىن جەتە ءتۇسىندىرۋ.

سايىسقا 19 بالاباقشادان 4-5 جاس ارالىعىنداعى 2 تاربيەلەنۋشىدەن قاتىسىپ, 2 كەزەڭنەن تۇراتىن سايىسقا بەلسەنە قاتىستى. 1-كەزەڭدە تاربيەلەنۋشىلەر وزدەرىنىڭ سالىپ كەلگەن سۋرەتتەرىن نە ءۇشىن سالعاندىعى بويىنشا تۇسىنىك بەردى. 2-كەزەڭدە ءورت تەحنيكالارى, قۇتقارۋشىلار, ءورت سوندىرۋشىلەردىڭ ءورتتى ءسوندىرۋ ءساتى بەينەلەنگەن گرافيكالىق سۋرەتتەردى بوياۋ بولدى. سايىس سوڭىندا «جاڭاوزەن قالاسى توتەنشە جاعدايلار ءبولىمى» اتىنان جۇلدەلى ورىن العان بالالارعا قۇندى سىيلىقتار بەرىلدى, سونىمەن قاتار بارلىق قاتىسۋشى بالالارعا ىنتالاندىرۋ سىيلىقتار تابىس ەتىلدى.

ماڭعىستاۋ وبلىسى