ەلىمىزدە جەكە كاسىبىن اشىپ, ءوز ءىسىن دوڭگەلەتكىسى كەلەتىندەر قاتارى جىل سايىن ارتىپ كەلەدى. وسى ورايدا شاعىن جانە ورتا بيزنەستى دامىتۋعا جانە قولداۋعا باعىتتالعان بىرنەشە باعدارلامالار جۇزەگە اسىرىلۋدا. سونىڭ ءبىرى «باستاۋ» جوباسى. وسى جوبا ارقىلى ءبىلىم العان تالىمگەرلەر قايتارىمسىز قاراجات الا باستادى, دەپ حابارلايدى ماڭعىستاۋ وبلىسى «اتامەكەن» كاسىپكەرلەر پالاتاسىنىڭ ءباسپاسوز قىزمەتى.
جىل باسىنان بەرى بەينەۋ اۋدانىنان 5 گرانت, جاڭاوزەن قالاسىنان 30, اقتاۋ قالاسىنان 10 گرانت ۇتىپ الدى. اتاپ ايتساق , اقتاۋ قالاسىنان العاش اشىلعان «مۋۆي رۋم» انتيكينو زالى. جاس كاسىپكەر شىنار مۇحيتوۆا بۇل كاسىپتىڭ ءتۇرى قالامىزدا بولماعاندىقتان اشۋدى شەشەدى. كاسىپ اشۋعا 1 ملن 300 مىڭ شاماسىندا قاراجات جۇمسالعان سونىڭ 530 مىڭى گرانت. كينو كورۋگە 14-40 جاس ارالىعىنداعى ادامدار كەلە الادى. كينو زال 3 بولىكتەن تۇرادى: 1 زالدا 1-2 ادام, 2 زالدا 1-5 ادام, 3 زالدا 1-10 ادام فيلم كورۋگە مۇمكىندىكتەرى بار. كىرۋ قۇنى 2 ساعاتقا 3500 تەڭگە.
ال جاڭاوزەن قالاسىنان جاس كاسىپكەر ءاليا كۋليەۆا «ەڭبەك» باعدارلاماسىمەن ەڭ العاشقى شاعىن بالالار ويىن ساۋىق ورتالىعىن اشتى. بۇل ورتالىقتىڭ ەرەكشەلىگى - بالالاردىڭ مي جۇيەسىنىڭ دامۋىنا, ويلاۋ قابىلەتىنىڭ قالىپتاسۋىنا , شىعارماشىلىعىن شىڭداۋعا ىقپالىن تيگىزەدى. مۇندا 3-12 جاس ارالىعىنداعى بالالار ۋاقىتتارىن قىزىقتى ءارى پايدالى وتكىزە الادى. ورتالىقتىڭ ءىشى زاماناۋي قۇرال-جابدىقتارمەن جاساقتالعان. الماتى قالاسىنان ارنايى تاپسىرىسپەن الدىرتىلدى. اتا-انالارعا ارنالعان تاماقتانۋ ورىن دا قاراستىرىلعان.
سونداي-اق , جاس كاسىپكەر اينۇر تىلەكقابىلوۆا قايتارىمسىز قاراجات 530 مىڭ تەڭگە ۇتىپ الىپ , بەينەۋ اۋدانىنان كونديتەرلىك ءونىم جاسايتىن تسەح اشىپ , ءوزىنىڭ سۇيىكتى ىسىمەن اينالىسىپ وتىر. ۇننان جاسالىنعان ءتاتتى تورت, توقاش, ءبالىش ونىمدەرىن جاساپ شىعارۋدا. تسەحتى اشۋداعى ماقساتى - حالىققا قول جەتىمدى باعادا تاتتىلەرمەن قامتاماسىز ەتۋ. تاتتىلەردى پىسىرۋگە ارنايى پەشتەر مەن تابالاردى الماتى قالاسىنان تاپسىرىسپەن الدىرعان. قازىرگى تاڭدا اۋىل سۋپەرماركەتىمەن شارتقا وتىرىپ كۇنىنە ءبالىش, سامسا ونىمدەرىمەن قامتاماسىز ەتىپ وتىر.
الداعى ۋاقىتتا اقتاۋ قالاسى بويىنشا 60 گرانت, جاڭاوزەن قالاسىنا 130, مۇنايلىعا 50, بەينەۋ اۋدانىنا 45 , ماڭعىستاۋ اۋدانىنا 35 گرانت, تۇپقاراعان 45 , قاراقيا اۋدانىنا 35 گرانت ءبولۋ جوسپاردا بار. «ەڭبەك» باعدارلاماسى ەلىمىزدەگى جۇمىسسىزداردىڭ سانىن ازايتۋعا پايداسى مول كاسىپ اشۋعا سەپتىگىن تيگىزىپ وتىر.
ماڭعىستاۋ وبلىسى