كاسپي تەڭىزىنىڭ قازاقستاندىق بولىگىنىڭ 75%-ى ماڭعىستاۋعا قارايدى. وبلىس حالقىنىڭ 57 %-ى تۇششىتىلعان تەڭىز سۋىن ءىشىپ وتىر. سوڭعى جىلدارى ءار كەزدە تەڭىزدىڭ ماڭعىستاۋ بولىگىندە «اراكس», «تيبا» جانە «نام-217» اتتى شەتەلدىك ءۇش كەمە قايراڭعا تۇرىپ قالعاندىعى قالىڭ جۇرتقا بەلگىلى. بۇل رەتتە قولدانىستاعى زاڭناماعا سايكەس, ولاردى تەز تازالاۋ شارالارى الىندى, دەپ حابارلادى ماڭعىستاۋ وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ءباسپاسوز قىزمەتى.
2016 جىلعى كاسپي تەڭىزىنىڭ جاعالاۋىنان 100 مەتر جەردە قايىردا تۇرىپ قالعان رەسەيلىك «اراكس» كەمەسى 2019 جىلى 930 توننا مۇناي قالدىقتارى تۇگەلدەي تازارتىلىپ, كەمە بولشەكتەلىپ ساتىلدى. بۇگىندە ەشقانداي ەكولوگيالىق قاۋىپ ءتونىپ تۇرعان جوق.
قالعان ەكى كەمەدەن, اتاپ ايتقاندا «تيبا» جانە «نام-217» تەڭىزگە قاۋىپ جوق. كاسپي تەڭىزىنىڭ قازاقستان سەكتورىندا 1399,5 قاشىقتىقتى قۇرايتىن تۇرىكمەنستان شەكارىسىنان اتىراۋ وبلىسىنىڭ شەكاراسىنا دەيىن سۋ قورعاۋ ايماقتارى مەن بەلدەۋلەرى ورنالاستىرىلدى.
ماڭعىستاۋ وبلىسى