2020 جىلى رف باشقۇرتستان رەسپۋبليكاسىنىڭ باسشىسى رادي حابيروۆ حالقىنىڭ ۇسىنىس-تىلەگىن ەسكەرىپ, ۇلتتىق كوستيۋم كۇنىن بەكىتتى. بيىل 8 قىركۇيەك كۇنى ۋفا قالاسىندا وسى شارا كەڭىنەن اتالىنىپ ءوتتى. ۇلتتىق كيىم كۇنى «ميراس» ءان-بي ءانسامبلىنىڭ «باشقۇرتستان» كومپوزيتسياسىمەن اشىلىپ, باشقۇرتتىڭ حالىق اندەرى ورىندالدى. «ينزەر», «سارمات» بيشىلەر توبى كورەرمەنگە ۇلتتىق بيدەن شاشۋ شاشسا, ءتۇرلى ماماندار كوستيۋم تۇرلەرىن تانىستىرىپ, ونى جاساۋدىڭ شەبەرلىك ساعاتتارىن وتكىزگەن.
– ۇلتتىق كوستيۋم – كەز كەلگەن حالىق مادەنيەتىنىڭ اجىراماس بولشەگى. بۇل جاي عانا كيىم ەمەس, ءبۇتىن ۇلتتىڭ بەت-بەدەرىن ايقىندار ۇلان-عايىر تاريح. ونى جان-تانىمىزبەن بەرىك قورعاۋىمىز كەرەك. ءبىزدىڭ كىتاپحانادا ۇلتتىق كوستيۋم تۋرالى ءھام وزگە دە ءتۇبىرلى تاريح توركىنىن باياندايتىن ەڭبەكتەر از ەمەس, – دەيدى ۋفاداعى احمەت زاكي ءۋاليدي اتىنداعى ۇلتتىق كىتاپحانانىڭ ديرەكتورى مارات زۇلقارناەۆ.
باشقۇرتستان ەلىنىڭ مەرەكەسى بىزگە ۇلگى بولا الارلىق. ەلىمىزدە ۇلىقتاۋعا تۇرارلىق سالت-جورالعىلارىمىز, ۇلتتىق كيىمدەرىمىز جەتەرلىك. ۇلتتىق كيىمىمىزدى ۇلىقتاۋ ارقىلى حالىقتى ەلدىك قۇندىلىقتارعا جاقىنداتا تۇسەر ەدىك.
