فوتو: ۇقك
ۆەدومستۆونىڭ مالىمەتىنشە, ولاردىڭ ءبىرى – استانا قالاسىنىڭ تۇرعىنى الەۋمەتتىك جەلىلەردە تەرروريستىك يدەولوگيانى ناسيحاتتاعان. سونداي-اق اينالاسىنداعىلاردى تەرروريستىك بەلسەندىلىك ايماقتارىنا شىعۋعا ۇگىتتەگەن. سوت شەشىمىمەن ول 8 جىلعا باس بوستاندىعىنان ايىرىلدى.
ەكىنشىسى – شىمكەنت قالاسىنىڭ تۋماسى اينالاسىنداعىلاردى قازاقستاندا تەوكراتيالىق مەملەكەتىن قۇرۋعا شاقىرىپ, تەرروريزم يدەيالارىن تاراتقان. سوت ونى 7 جىلعا باس بوستاندىعىنان ايىرۋعا ۇكىم شىعاردى.
ۇقك قىزمەتكەرلەرى اتىراۋ اكىمىن جۇمىس ورنىنان الىپ كەتكەن
«وسى كەزەڭدە استانا, الماتى, شىمكەنت قالالارىندا, اتىراۋ, اقتوبە, جامبىل, قاراعاندى, تۇركىستان جانە اباي وبلىستارىندا وسىنداي قىلمىستار جاسادى دەگەن كۇدىكپەن 11 ادام, ونىڭ ىشىندە 2 شەتەلدىك جانە شەتەلدەن ەكستراديتسيالانعان 3 قازاقستان ازاماتى ۇستالدى. ولار عالامتوردا جانە ءوز اينالاسىندا ەكسترەميستىك ماتەريالداردى تاراتتى, تەرروريستىك بەلسەندىلىك ايماقتارىنا شىعۋعا جانە وزدەرىنىڭ ۇستانىمدارىمەن كەلىسپەيتىن ادامدارعا قاتىستى زورلىق-زومبىلىققا شاقىردى دەپ كۇدىكتەلىپ جاتىر», دەلىنگەن حابارلامادا.
قىلمىستىق كودەكستىڭ ءتيىستى باپتارىندا سوتقا دەيىنگى تەرگەپ-تەكسەرۋلەر جۇرگىزىلىپ جاتىر.
قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى.
ەسكە سالايىق, اقپان ايىندا ۇقك نۇرلان سابۋروۆقا قاتىستى تەكسەرىستى باستاعانى تۋرالى ايتىلعان.
