جيىندا «AMANAT» پارتياسىنىڭ توراعاسى ەرلان قوشانوۆ ەلدەگى رەفورمالاردى جالعاستىرۋ, قوعامدىق كەلىسىمدى نىعايتۋ جانە مەملەكەت پەن قوعام مۇددەسى ءۇشىن كۇش بىرىكتىرۋدىڭ ماڭىزىن اتاپ ءوتتى.
ء«بىز بىرلەسىپ, ءبىر پروپرەزيدەنتتىك كۇش رەتىندە زاماناۋي قازاقستاندى قۇرۋىمىز كەرەك. ءوز يدەيالارىمىز بەن ۇستانىمدارىمىزدان باس تارتپايمىز, ولاردى جاڭا دەڭگەيگە كوتەرەمىز», دەدى ەرلان قوشانوۆ.
پاۆلودار وبلىستىق ءماسليحاتىنىڭ توراعاسى يليا تەرەنچەنكونىڭ ايتۋىنشا, بۇل شەشىم ۋاقىت تالابىنا ساي قابىلدانىپ وتىرعان ماڭىزدى قادام بولىپ وتىر.
ء«بىز بۇل شەشىمدى دەر كەزىندە قابىلدانعان باستاما دەپ سانايمىز. تۇپتەپ كەلگەندە, ونىڭ باستى ماقساتى – تاۋەلسىزدىكتى نىعايتۋ, ازاماتتاردىڭ ءومىر ءسۇرۋ ساپاسىن جاقسارتۋ, قازاقستان حالقىنىڭ بىرلىگىن كۇشەيتۋ جانە ەلدىڭ تۇراقتى دامۋىن قامتاماسىز ەتۋ. مەملەكەت باسشىسى بەلگىلەنگەن باعىتتى تابىستى ىسكە اسىرۋ ءۇشىن ۇلتتىق قۇندىلىقتار مەن ورتاق ماقساتتار توڭىرەگىندە كۇش بىرىكتىرۋدىڭ ماڭىزىن بىرنەشە رەت اتاپ ءوتتى», دەدى ول.
ونىڭ سوزىنشە, پارتيالاردىڭ بىرىگۋى جيناقتالعان تاجىريبەنى, قوعامدىق الەۋەتتى ەل دامۋىنىڭ ستراتەگيالىق مىندەتتەرىن جۇزەگە اسىرۋعا جۇمىلدىرۋعا مۇمكىندىك بەرەدى.
پارلامەنت ماجىلىسىندەگى پارتيا فراكتسياسىنىڭ مۇشەسى, پارتيانىڭ ايەلدەر قاناتىنىڭ تەڭ توراعاسى ءۇنزيلا شاپاق مەملەكەت باسشىسىنىڭ باستاماسىمەن جۇزەگە اسقان ساياسي رەفورمالار ەلدى جاڭعىرتۋدىڭ نەگىزىنە اينالىپ, جاڭا كونستيتۋتسيانىڭ قابىلدانۋىنا ىقپال ەتكەنىن اتاپ ءوتتى. ونىڭ ايتۋىنشا, اتا زاڭ مەملەكەتتىك قۇرىلىمنىڭ ادىلەتتىلىك قاعيداتتارىن نىعايتىپ, ازاماتتاردىڭ ساياسي پروتسەسكە قاتىسۋ مۇمكىندىگىن كەڭەيتكەن.
ال دەپۋتات نۇرسۇلتان بايتىلەسوۆ ەلدەگى رەفورمالار جاستارعا جاڭا مۇمكىندىكتەر اشقانىن, بۇگىنگى جاس بۋىن قوعامدىق باستامالارمەن قاتار زاڭ شىعارۋ پروتسەسىنە دە بەلسەندى قاتىسىپ جاتقانىن جەتكىزدى. سەزد قورىتىندىسى بويىنشا دەلەگاتتار «ادىلەت» پارتياسىنا قوسىلۋ تۋرالى شەشىمدى قولداپ داۋىس بەردى.
ەسكە سالا كەتەيىك, 7 مامىردا «ادىلەت» ساياسي پارتياسىنىڭ قۇرىلتاي سەزى ءوتتى. پارتيا توراعاسى بولىپ دادەباي ايبەك ارقاباي ۇلى سايلاندى. ال 1 ماۋسىمدا پارتيا Əدىلەت مينيسترلىگىندە رەسمي تىركەلدى.
