اقتوبە وبلىسى پوليتسيا دەپارتامەنتىنىڭ مالىمەتىنشە, ارنايى وپەراتسيا بارىسىندا جەدەل قىزمەتكەرلەر ارنايى ماقساتتاعى بولىمشەنىڭ قولداۋىمەن 38 جاستاعى ەر ادامدى قولعا تۇسىرگەن. تەرگەۋ باراسىندا ونىڭ وڭىردە ەسىرتكى وتكىزۋمەن اينالىساتىن ونلاين-دۇكەن ۇيىمداستىرعانى ايعاقتالعان.
كۇدىكتىنىڭ ۇيىنە جۇرگىزىلگەن ءتىنتۋ كەزىندە پوليتسيا قىزمەتكەرلەرى وق-دارىلەرى بار قوس ۇڭعىلى مىلتىق, تراۆماتيكالىق جانە پنەۆماتيكالىق تاپانشالار, رەۆولۆەر, ف-1 گراناتاسى مەن ءتۇرلى وق-دارىلەردى تاپقان.
شىمكەنت تۇرعىنىنان اسا ءىرى كولەمدەگى سينتەتيكالىق ەسىرتكى تاركىلەندى
كەيىن قۇقىق قورعاۋ ورگاندارى ەسىرتكىنى جاسىرىن ورىندارعا قالدىرىپ كەتكەن دەگەن كۇدىككە ىلىنگەن ەكىنشى ادامدى ۇستادى. ول جالداپ تۇرعان پاتەردەن WAX گاشيش مايى قۇيىلعان 70 قۇتى جانە زاڭسىز قىزمەتتەن تۇسكەن بولۋى مۇمكىن ءىرى كولەمدەگى اقشا قاراجاتى تاركىلەندى.
تارازدا تاكسي جۇرگىزۋشىسىنىڭ كولىگىنەن ەسىرتكى تابىلدى
اتالعان فاكىلەر بويىنشا اسا ءىرى مولشەردە ەسىرتكى زاتتارىن, سونداي-اق قارۋ مەن وق-دارىلەردى زاڭسىز ساقتاۋ دەرەگى بويىنشا سوتقا دەيىنگى تەرگەپ-تەكسەرۋ باستالدى. كۇدىكتىلەر ۋاقىتشا ۇستاۋ يزولياتورىنا قامالدى.
