فوتو: istockphoto.com
جازبا اۆتورىنىڭ ايتۋىنشا, ايەل بۇعان دەيىن سول ەر اداممەن قارىم-قاتىناستا بولعان. بىراق ونىڭ اگرەسسيۆتى مىنەز-قۇلقىنا بايلانىستى اراقاتىناسىن ۇزگەن. سودان كەيىن دە ەر ادام ونى مازالاپ, ءارتۇرلى نومىرلەردەن قوڭىراۋ شالىپ, جۇمىس ورنىنىڭ جانىندا كۇتىپ جۇرگەن.
جاقىندارىنىڭ ايتۋىنشا, ەر ادام ونى جالدامالى پاتەرگە الىپ بارعان. سول جەردە جانجال تۋىنداپ, اياۋسىز سوققىعا جىققان.
«ول ەس-ءتۇسسىز جاتقانىن تۇسىنگەن كەزدە جەدەل جاردەم شاقىرمادى. ونىڭ ورنىنا پاتەر مەن دەنەسىن قاننان تازالاۋعا كىرىستى. ول ونىڭ ءومىرىن ساقتاپ قالۋى مۇمكىن ۋاقىتتى جوعالتتى. دارىگەرلەرگە ول ايەل باتارەياعا سوعىلدى دەپ ايتقان», دەلىنگەن جازبادا.
مارقۇمنىڭ تۋىستارى بۇل نۇسقامەن كەلىسپەيدى جانە ونىڭ العان جاراقاتتارى اۋىر سوققىدان بولعانىن ايتادى.
قايتالانعان ستالكينگ ءۇشىن باس بوستاندىعىنان ايىرۋ جازاسى ەنگىزىلەدى
قازىرگى ۋاقىتتا وقيعاعا بايلانىستى رەسمي تەرگەۋ ءجۇرىپ جاتىر.
ەسكە سالا كەتەيىك, بۇعان دەيىن جەتىسۋ وبلىسىندا قىزدى ۇزاق ۋاقىت بويى اڭدىپ, مازالاعان كۇدىكتى ۇستالعان ەدى. الاكول اۋداندىق سوتى ونى دياگنوزىنا بايلانىستى قىلمىستىق جاۋاپكەرشىلىكتەن بوساتىپ, جالپى ۇلگىدەگى پسيحياتريالىق ستاتسيونارعا ءماجبۇرلى ەمدەۋگە جىبەرۋ تۋرالى شەشىم قابىلدادى.
