ونىڭ ايتۋىنشا, قازىرگى ۋاقىتتا جابىرلەنۋشىلەر مەن ولاردىڭ قورعاۋشىلارى قىلمىستىق ءىستىڭ ماتەريالدارىمەن تانىسىپ جاتىر. بۇگىندە ءىستىڭ العاشقى جەتى تومى زەردەلەنىپ, ولاردىڭ كوشىرمەلەرى الىنعان.
– تەرگەۋ ارەكەتتەرى تولىق اياقتالدى. قازىر قىلمىستىق ءىس قۇجاتتارىمەن تانىسۋ پروتسەسى ءجۇرىپ جاتىر. جابىرلەنۋشى تاراپ العاشقى جەتى توممەن تانىسىپ, كوشىرمەلەرىن الدى, – دەدى ادۆوكات.
تاراپتاردىڭ بارلىعى ءىس ماتەريالدارىن قاراپ شىققاننان كەيىن قىلمىستىق ءىس سوتقا جولدانادى.
ەسكە سالساق, قايعىلى وقيعا 2026 جىلعى 11 قاڭتار كۇنى كەشكە شىمكەنت قالاسىندا بولعان. تەرگەۋ مالىمەتىنشە, 21 جاستاعى نۇراي سەرىكبايدى تانىسى پىشاقتاپ ءولتىرىپ, وقيعا ورنىنان بوي تاسالاعان. كۇدىكتى ەكى كۇننەن كەيىن ۇستالدى.
قازىرگى ۋاقىتتا ول شىمكەنت قالاسىنداعى قىلمىستىق-اتقارۋ جۇيەسى كوميتەتىنىڭ №69 مەكەمەسىندە قاماۋدا وتىر.
كۇدىكتىگە قىلمىستىق كودەكستىڭ بىرنەشە بابى بويىنشا ايىپ تاعىلعان. اتاپ ايتقاندا, وعان نەكەگە تۇرۋعا ماجبۇرلەۋ, ستالكينگ جانە اسا قاتىگەزدىكپەن ادام ءولتىرۋ باپتارى بويىنشا ايىپتار تاعىلىپ وتىر.
