نەسليحان وزتۇرىك اكەسىنىڭ مۇراسىن تەك ءىرى قالالاردا عانا ەمەس, باسقا دا وڭىرلەردە كورسەتۋ ماڭىزدى دەپ سانايدى.
ەڭ ۇزدىك تاەكۆوندوشىعا «مۇستافا وزتۇرىك جۇلدەسى» بەرىلەدى
«اللاعا شۇكىر, ەلىمىز ۇلكەن, جولىمىز دا الىس. سول سەبەپتى ءار ادامنىڭ استاناعا نەمەسە الماتىعا بارىپ, اكەم مۇستافا وزتۇرىكتىڭ تاريحي زاتتارىن كورۋگە مۇمكىندىگى بولا بەرمەيدى دەپ ويلايمىن. قازاقستاننىڭ باسقا ايماقتارىنداعى حالىق پەن كەلەشەك ۇرپاق تا بۇل مۇرانى ءوز كوزدەرىمەن كورىپ, ودان رۋح, كۇش پەن شابىت العىسى كەلەدى دەپ ويلايمىن. قازاقستان بويىنشا كوشپەلى كورمە جاساۋ جاقسى شەشىم بولار ەدى. مەن ءۇشىن حالىقتىڭ پىكىرى وتە ماڭىزدى. سىزدەر قالاي ويلايسىزدار؟ قاي قالالاردا كورگىڭىز كەلەدى؟», دەپ جازدى نەسليحان وزتۇرىك.
ايتا كەتەيىك, بۇعان دەيىن تاەكۆوندو فەدەراتسياسىنىڭ پرەزيدەنتى قۇدىرەت شاميەۆ مۇستافا وزتۇرىك تۋرالى كوركەم ءفيلمنىڭ ءتۇسىرىلىمى باستالاتىنىن مالىمدەگەن ەدى.
