فوتو: istockphoto.com
اۋقىمدى زەرتتەۋ قورىتىندىسى بويىنشا, قازاقستان الەمنىڭ 82 مەملەكەتى ەنگەن جاھاندىق تىزىمدە 36,0 بالل جيناپ, 53-ورىنعا تابان تىرەدى. بۇل ناتيجە ەلىمىزدى تمد ايماعى بويىنشا ەڭ ۇزدىك كورسەتكىشكە يە مەملەكەت رەتىندە ايقىندادى.
باعالاۋ كريتەريلەرى قانداي؟
رەيتينگ اۆتورلارى الەم ەلدەرىن شەتەل ازاماتتارى ءۇشىن ءومىر ءسۇرۋ مەن قونىس اۋدارۋدىڭ تيىمدىلىگى تۇرعىسىنان ارنايى ساراپتاعان. تالداۋ بارىسىندا مىناداي نەگىزگى فاكتورلار نەگىزگە الىندى:
- ءومىر ءسۇرۋ ساپاسىنىڭ دەڭگەيى;
- ەكونوميكالىق مۇمكىندىكتەر مەن دامۋ الەۋەتى;
- ىشكى ەڭبەك نارىعىنىڭ قازىرگى جاعدايى;
- ميگرانتتاردىڭ جەرگىلىكتى قوعامعا جىلدام بەيىمدەلۋىنە جاسالعان جاعدايلار.
جاھاندىق دەڭگەيدە كوش باسىندا شۆەيتساريا تۇر, بۇل مەملەكەت 60,8 بالل جينادى. العاشقى بەستىكتىڭ قاتارىنا يسلانديا (60,2 بالل), ليۋكسەمبۋرگ (60,1 بالل), اۆستراليا (59,0 بالل) جانە گەرمانيا (58,7 بالل) ەندى.
قازاقستان الەمدەگى ەڭ باقىتتى ەلدەر رەيتينگىندە 33-ورىنعا كوتەرىلدى
وزگە تمد مەملەكەتتەرىنىڭ كورسەتكىشتەرى تومەندەگىدەي قالىپتاستى:
- مولودوۆا – 56-ورىن;
- ازەربايجان – 66-ورىن;
- ارمەنيا – 74-ورىن;
- وزبەكستان – 75-ورىن.
