فوتو: istockphoto.com
بۇرىن دوكتورانتتار وقۋ بىتىرگەن سوڭ جوعارى وقۋ ورىندارىندا, عىلىمي ينستيتۋتتاردا نەمەسە مەملەكەتتىك ورگانداردا جۇمىس ىستەۋگە مىندەتتى بولاتىن. ولار زاڭنامالىق نورمالارعا سايكەس ءبىلىم وردالارىندا جۇمىس ىستەۋگە بارا المايتىن. تيىسىنشە, مەكتەپتەگى جۇمىس مىندەتتى وتەۋ مەرزىمى رەتىندە ەسەپتەلمەيتىن.
ءماجىلىس دەپۋتاتىنىڭ ايتۋىنشا, بۇل وزگەرىستەر مەكتەپتەر مەن ءبىلىم بەرۋ ۇيىمدارىن مىقتى كادرلارمەن قامتاماسىز ەتۋگە باعىتتالعان.
«تۇلەكتەرگە تاڭداۋ بەرىلەدى. ولار تەك جوعارى وقۋ ورىندارىمەن شەكتەلمەي, ورتا ءبىلىم بەرۋ سالاسىندا دا كەدەرگىسىز قىزمەت ەتە الادى. ونداعى جۇمىس وتەۋ مەرزىمى زاڭدى تۇردە تولىق ەسەپتەلەدى. وسى ارقىلى بالالارىمىز زاماناۋي زەرتتەۋشىلەردەن تىكەلەي ءدارىس الادى», دەپ جازدى دەپۋتات الەۋمەتتىك جەلىدەگى جازباسىندا.
بۇعان دەيىن ءماجىلىس دەپۋتاتى اسحات ايماعامبەتوۆ شىعارماشىلىق جانە تىلدىك ماماندىقتار بويىنشا دوكتورانتۋراعا ءتۇسۋ تالاپتارى وزگەرگەنىن ايتقان ەدى. وسى ارقىلى ەلىمىزدە بىرقاتار ءبىلىم بەرۋ باعدارلاماسى بويىنشا دوكتورانتۋراعا ءتۇسۋ ءۇشىن شەت ءتىلىن مەڭگەرگەنىن راستايتىن سەرتيفيكات الىنىپ تاستالدى.
