فوتو: اشىق دەرەككوز
رەيتەر اگەنتتىگىنىڭ مالىمەتىنشە, كونسورتسيۋم 2026 جىلعى ماۋسىم ايىنا ارنالعان CPC Blend مۇنايىنىڭ ەكسپورت جوسپارىن بۇرىنعى تاۋلىگىنە 1,45 ميلليون باررەلدەن 1,7 ميلليون باررەلگە دەيىن (ايىنا شامامەن 6,5 ميلليون توننا) ۇلعايتتى. بۇل شەشىم قاشاعان كەن ورنىنداعى جوندەۋ جۇمىستارىنىڭ 2027 جىلعا اۋىستىرىلۋىنا جانە تەڭىزدەگى ءوندىرىستىڭ قالپىنا كەلۋىنە بايلانىستى قابىلدانعان.
سونىمەن قاتار قازاقستان 1 مامىردان باستاپ گەرمانياعا مۇناي ەكسپورتىن توقتاتىپ, بوساپ قالعان كولەمدەردى كقك جۇيەسىنە باعىتتادى.
قازاقستان مۇناي ەكسپورتىنىڭ بالامالى باعىتتارىن كەڭەيتۋدى قاراستىرىپ جاتىر
كقك 2026 جىلى مۇناي تيەۋ كولەمىن 72 ميلليون تونناعا دەيىن جەتكىزۋدى جوسپارلاپ وتىر. 2025 جىلى بۇل كورسەتكىش 70,5 ميلليون توننا بولعان.
قازاقستان ەكسپورتتايتىن مۇنايدىڭ 80%-دان استامى كقك ارقىلى تاسىمالدانادى. ونىڭ نەگىزگى بولىگى كاسپي ماڭىنداعى ءىرى كەن ورىندارى – تەڭىز, قاشاعان جانە قاراشىعاناق كەن ورىندارىنان وندىرىلەدى.
بۇعان دەيىن قازاقستاندا جىلىنا 10 ملن توننا مۇناي وڭدەيتىن ءتورتىنشى زاۋىت سالىناتىنى تۋرالى ايتىلعان.
