الدىن الا مالىمەت بويىنشا, قايعىلى وقيعا 9 ماۋسىمنان 10 ماۋسىمعا قاراعان ءتۇنى بولعان. ءجاسوسپىرىم قىز وتباسىنداعى جانجالدان كەيىن ءولى تابىلعان.
جامبىل وبلىسى پوليتسيا دەپارتامەنتى اتالعان فاكتى بويىنشا تەرگەۋ باستالعانىن راستادى. قازىر قۇقىق قورعاۋ ورگاندارى وقيعانىڭ بارلىق ءمان-جايىن, سونداي-اق قايعىلى وقيعاعا سەبەپ بولۋى مۇمكىن جاعدايلاردى انىقتاپ جاتىر.
تەرگەۋ مۇددەسىنە بايلانىستى ءىس بويىنشا وزگە اقپارات جاريا ەتىلمەيدى. مارقۇمنىڭ جاسى مەن وقيعانىڭ سيپاتىن ەسكەرە وتىرىپ, رەسمي ورگاندار ازىرگە قوسىمشا تۇسىنىكتەمە بەرۋدەن باس تارتتى.
تەرگەۋ امالدارى جالعاسىپ جاتىر.
ەسكە سالايىق, بۇعان دەيىن شيەلىدە كانالدان ءمايىتى تابىلعان قىزدىڭ ولىمىنە كۇدىكتى ۇستالعانىن جازعان بولاتىنبىز.
