فوتو: اشىق دەرەككوز
تەرگەۋ بارىسىندا انىقتالعانداي, 2024-2025 جىلدارى ءوتىنىش بەرۋشىلەردىڭ ەلگە كەلۋىنسىز-اق جسن راسىمدەۋگە كومەكتەسەتىن ارنايى سحەما ۇيىمداستىرىلعان. ءتىپتى بۇل قىلمىستىق ارەكەتتى ىسكە اسىرۋ ماقساتىندا الەۋمەتتىك جەلىدە ارنايى ارنا اشىلىپ, جسن-دى قاشىقتان الۋعا نيەتتى شەتەل ازاماتتارى جاپپاي ىزدەستىرىلىپ, تارتىلىپ وتىرعان.
زاڭسىز ارەكەتكە «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ استانا قالاسى بويىنشا فيليالىنىڭ جەكەلەگەن قىزمەتكەرلەرى قاتىسقان. ولار اقپاراتتىق جۇيەلەرگە كورىنەۋ جالعان مالىمەتتەر ەنگىزىپ, جسن راسىمدەۋگە قاجەتتى وتىنىمدەردى زاڭ تالاپتارىن بۇزا وتىرىپ راسىمدەگەن.
زاڭسىز قىزمەت ءۇشىن الىنعان سىياقى دەلدالدار ارقىلى بانكتىك اۋدارىمدار تۇرىندە بەرىلىپ, كەيىن قىلمىستىق سحەماعا قاتىسۋشىلار اراسىندا بولىنگەن.
قىلمىستىق ءىس سوتقا جولداندى. قىلمىستىق-پروتسەستىك كودەكستىڭ 201-بابىنا سايكەس, سوتقا دەيىنگى تەرگەپ-تەكسەرۋ ماتەريالدارى جاريا ەتۋگە جاتپايدى.
ەسكە سالا كەتەيىك, قازاقستاندا شەتەل ازاماتتارىنا ارنالعان كوشى-قون قىزمەتتەرىن تسيفرلاندىرۋ جۇمىستارى جالعاسىپ جاتىر. ەندى ولار جەكە سايكەستەندىرۋ ءنومىرىن (جسن) جانە باسقا دا مەملەكەتتىك قىزمەتتەردى جاڭا ءموبيلدى قوسىمشا ارقىلى الا الادى.
جانبوتا باحىتبەك,
ەۇۋ ستۋدەنتى
