ۆيدەودان سكرينشوت
وقيعا ءتورت كۇن بۇرىن بولعان. قازىرگى ۋاقىتتا كاميللا دجۋراباەۆا اۋرۋحانادا ەم قابىلداپ جاتىر. ونىڭ سوزىنشە, ساباقتان ۇيىنە قايتىپ كەلە جاتقاندا اۆتوبۋس ىشىندە ايەلدىڭ قىزىنا قاتتى داۋىس كوتەرىپ, بالاعاتتاپ جاتقانىن كورگەن. قىزدى جاقتاپ بىرنەشە جولاۋشى ارالاسقانىمەن, اشۋعا بۋلىققان ايەل تەك كاميللاعا شابۋىل جاساعان.
ستۋدەنتتىڭ ايتۋىنشا, ايەل ونىڭ جاعاسىنان ۇستاپ, باسىنان بىرنەشە رەت ۇرعان. كەيىن شاشىنان تارتىپ, تىزەرلەتىپ قويعان. دارىگەرلەر وعان مي شايقالۋى مەن باس ايماعىنداعى گەماتوما دياگنوزىن قويعان.
الماتىداعى جەكە وڭالتۋ ورتالىعىندا ەرەكشە بالالاردى ۇرىپ-سوققان
كاميللانىڭ سوزىنشە, جانجال اۆتوبۋس ىشىندە عانا ەمەس, ايالدامادا دا جالعاسقان. قىز اۆتوبۋستان تۇسكەننەن كەيىن ايەل سوڭىنان ەرىپ شىعىپ, سوققىعا جىعۋدى جالعاستىرعان. وقيعا كۋاگەرلەرى ارالاسىپ, ءجاسوسپىرىمدى قاۋىپسىز جەرگە الىپ كەتكەن.
زارداپ شەككەن قىزدىڭ اناسى يرينا كليۋچنيكوۆا ايەلدىڭ قىزىنا ەرەكشە قاتىگەزدىك تانىتقانىن ايتتى. ونىڭ ايتۋىنشا, كۇدىكتى قىزدى شاشىنان سۇيرەپ, قولىمەن ۇرىپ, ءتىپتى تىزەرلەۋگە ماجبۇرلەگەن.
وقيعاعا بايلانىستى الماتى قالاسى الاتاۋ اۋداندىق پوليتسيا باسقارماسى قىلمىستىق ءىس قوزعادى. قازىر ءتارتىپ ساقشىلارى بەينەجازبالاردى زەرتتەپ, كۇدىكتىنىڭ جەكە باسىن انىقتاۋ جۇمىستارىن جۇرگىزىپ جاتىر.
الماتىداعى بالالار اۋرۋحاناسىندا انا مەن دارىگەر اراسىندا جانجال شىقتى
پوليتسيا مالىمەتىنشە, دەنساۋلىققا قاساقانا جەڭىل زيان كەلتىرۋ فاكتىسى دالەلدەنسە, كۇدىكتىگە 50 تاۋلىككە دەيىن قاماۋعا الۋ جازاسى قولدانىلۋى مۇمكىن.
زارداپ شەككەن قىزدىڭ تۋىستارى ايەلدى تانىعان ازاماتتاردى پوليتسياعا حابارلاسۋعا شاقىردى.
