فوتو: istockphoto.com
ەلىمىزدىڭ باسىم بولىگىنە اتموسفەرالىق فرونتالدى بولىنىستەر اسەر ەتىپ, جاڭبىر مەن نايزاعاي كۇتىلەدى. سونداي-اق الداعى كۇندەرى ەلىمىزدىڭ بىرنەشە وبلىسىندا جاۋىن-شاشىن مولشەرى نورمادان اسىپ, سوڭى داۋىلعا ۇلاسۋى مۇمكىن.
13 جانە 15 ماۋسىمدا قوستاناي وبلىسىندا, ال 15 ماۋسىم كۇنى ماڭعىستاۋ, سولتۇستىك قازاقستان جانە اقمولا وبلىستارىندا جاۋىن-شاشىن كۇتىلەدى.
ال 15 ماۋسىمدا ەلدىڭ وڭتۇستىك-باتىسىندا, سونداي-اق ءۇش كۇن بويى سولتۇستىك جانە سولتۇستىك-باتىس وڭىرلەردە بۇرشاق جاۋىپ, جەل كۇشەيەدى دەپ بولجانعان.
سونىمەن قاتار سينوپتيكتەر بىرنەشە ايماقتا اۋا تەمپەراتۋراسىنىڭ كۇرت كوتەرىلىپ, وتە ىستىق بولاتىنىن بولجاپ وتىر.
ءۇش كۇن بويى (13-15 ماۋسىم) شىعىس قازاقستان جانە اباي وبلىستارىندا, 14 جانە 15 ماۋسىم كۇندەرى قاراعاندى, جامبىل, الماتى جانە جەتىسۋ وبلىستارىندا, 15 ماۋسىمدا اتىراۋ وبلىسىندا سىناپ باعاناسى +35…+38 گرادۋسقا دەيىن جەتەدى.
ەسكە سالا كەتەيىك, «قازگيدرومەت» ۇسىنعان بولجامعا سايكەس, ماۋسىم جانە تامىز ايلارى ادەتتەگىدەن ىستىق بولادى. قازاقستان اۋماعىندا اۋا تەمپەراتۋراسى كليماتتىق نورمادان 1-2 گرادۋسقا جوعارى بولۋى مۇمكىن. ەلدىڭ وڭتۇستىگىندە كەي كۇندەرى اۋا تەمپەراتۋراسى +45 گرادۋسقا دەيىن كوتەرىلەدى.
