زاڭناما بويىنشا مۇنداي وتىنىشتەرگە 4 جۇمىس كۇنى ىشىندە جاۋاپ بەرىلۋگە ءتيىس. ال ءىس جۇزىندە جاۋاپتار 6-15 جۇمىس كۇنى ارالىعىندا جولدانعان. سونىمەن قاتار باسقارما مەملەكەتتىك كىرىستەر ورگاندارىنا كاسىپكەرلەرگە جارنامانى «حابارلاماسىز» ورنالاستىردى دەگەن نەگىزبەن سالىقتىڭ ەكى ەسەلەنگەن مولشەرلەمەسىن قولدانۋ تۋرالى باستاما كوتەرگەن.
پروكۋراتۋرا بۇل ارەكەتتى زاڭسىز دەپ تانىدى. اتالعان تاجىريبە 2 331 جارناما تاراتۋشىعا قاتىستى قولدانىلعان. ناتيجەسىندە كاسىپكەرلەرگە زاڭسىز ەسەپتەلگەن تولەمدەردىڭ جالپى سوماسى 1,2 ميلليارد تەڭگەدەن اسقان. كاسىپكەرلەردىڭ قۇقىقتارىن قالپىنا كەلتىرۋ ماقساتىندا پروكۋراتۋرا ۋاكىلەتتى ورگاندارعا پروكۋرورلىق قاداعالاۋ اكتىسىن ەنگىزدى. ونى قاراۋ قورىتىندىسى بويىنشا بيزنەس سۋبەكتىلەرىنىڭ جەكە شوتتارىنداعى زاڭسىز ەسەپتەلگەن سومالار قىسقارتىلدى.
سونداي-اق كاسىپكەرلىك قىزمەتكە زاڭسىز ارالاسقانى ءۇشىن ساۋلەت جانە قالا قۇرىلىسى باسقارماسى باسشىسىنىڭ ورىنباسارى اكىمشىلىك جاۋاپكەرشىلىككە تارتىلدى. ول ءوز كىناسىن مويىنداپ, تاعايىندالعان ايىپپۇلدى تولىق كولەمدە تولەگەن. الماتى قالاسىنىڭ پروكۋراتۋراسى كاسىپكەرلەردىڭ قۇقىقتارىن قورعاۋ جانە مەملەكەتتىك ورگاندار تاراپىنان زاڭسىز ارەكەتتەرگە جول بەرمەۋ ءوز قىزمەتىنىڭ نەگىزگى باعىتتارىنىڭ ءبىرى بولىپ قالا بەرەتىنىن اتاپ ءوتتى.
جاناسىل زايتيمحان,
ەۇۋ ستۋدەنتى
