ايماقتار • 24 قىركۇيەك، 2021

اقتوبە وبلىسىندا 456 ستيحيالىق قوقىس ورنى انىقتالدى

13 رەت كورسەتىلدى

وبلىستىق ءماسليحات دەپۋتاتتارى جاسىل جەلەكتەر، جەرگىلىكتى اۆتوجولداردىڭ جاعدايى مەن قوقىس پوليگوندارىنىڭ ماسەلەلەرىن تالقىلادى، دەپ حابارلايدى Egemen.kz.

بۇل ماسەلەلەر قۇرىلىس، كولىك، ساۋدا، تۇرمىستىق-قاتتى قالدىقتاردى شىعارۋ جانە تسيفرلاندىرۋ ماسەلەلەرى جونىندەگى وبلىستىق ءماسليحاتتىڭ تۇراقتى كوميسسياسى وتىرىسىنىڭ قاراۋىنا ەنگىزىلدى.

اقتوبە قالاسىنىڭ اكىمى اسحات شاحاروۆتىڭ ايتۋىنشا، ءۇي ماڭىنداعى جاسىل جەلەكتى تۇگەندەۋ بارىسىندا جاسىل جەلەكتەردىڭ 55-تەن استام ءتۇرى انىقتالدى.

— بۇل بىرىڭعاي دەرەكتەر بازاسىن قۇرۋعا، جاسىل جەلەكتەردى ەسەپكە الۋ مەن كۇتىپ ۇستاۋدى جۇيەلەندىرۋگە مۇمكىندىك بەردى، —  دەپ تولىقتىردى قالا باسشىسى.

قۇرىلىس، ساۋلەت جانە قالا قۇرىلىسى باسقارماسىنىڭ باسشىسى ناعىمجان الدياروۆتىڭ مالىمەتتەرى بويىنشا، اۋدانداردا قازىرگى ۋاقىتتا وبلىستىڭ تەك 85 ەلدى مەكەنىنە تۇگەندەۋ جۇرگىزىلدى. ەلدى مەكەندەردىڭ دەندرولوگيالىق جوسپارىنىڭ تولىق بولماۋىنا بايلانىستى وبلىس بويىنشا اعاش ەگۋدىڭ بەكىتىلگەن كولەمىن ورىنداماۋ قاۋپى بار.

تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى انۋاربەك بەرماعامبەتوۆ وتىرىسقا قاتىسۋشىلارعا وبلىستا 12 تۇرمىستىق-قاتتى قالدىقتار پوليگونى جۇمىس ىستەيتىنىن باياندادى. ولاردىڭ سوڭعىسى، كوممۋنالدىق پوليگون، 2015 جىلى حرومتاۋ قالاسىندا سالىنعان جانە 5 جىلدان استام ۋاقىت بويى پوليگوندار قۇرىلىسىنا قاراجات بولىنگەن جوق.

— 2021 جىلى وسى پوليگونداردىڭ قۇرىلىسى اياقتالادى، — دەپ حابارلادى بايانداماشى. — 2023 جىلى ويىل، ىرعىز، تەمىربەك جۇرگەنوۆ جانە قارابۇتاق اۋىلدارىندا 4 پوليگون سالۋ جوسپارلانۋدا. سونىمەن قاتار وبلىستا 456 ستيحيالىق قوقىس ورنى انىقتالدى.

جەرگىلىكتى جولداردىڭ جاعدايىن جاقسارتۋ بويىنشا جۇمىستار تۋرالى بايانداي وتىرىپ، جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ايبەك قايىر وسى باعىتتا بيىل  23،5 ملرد تەڭگەگە جوسپارلانعان 144 جوبا ىسكە اسىرىلىپ جاتقانىن حابارلادى.

— كەلەسى جىلدىڭ 1 قاڭتارىنا قاراي جەرگىلىكتى ماڭىزى بار اۆتوموبيل جولدارىنىڭ 66 پايىزىن قاناعاتتانارلىق جاعدايعا جەتكىزۋ جوسپارلانۋدا، — دەدى ول.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار