«Tengri Bank» اق دەپوزيتتەرىندە, اعىمداعى شوتتارىندا جانە كارتوچكالارىندا اقشالارى بار جەكە تۇلعالار مەن دارا كاسىپكەرلەر وتەم الۋعا ءوتىنىش بەرە الادى.
كەپىلدىك بەرىلگەن وتەم تولەۋگە وتىنىشتەر قابىلداۋ 2020 جىلدىڭ 30 قىركۇيەگىنەن باستالادى. «ەۋرازيالىق بانك» اق بولىمشەلەرى ەلدەگى ەپيدەميالىق جاعدايدى ەسكەرە وتىرىپ, كەزەك كۇتۋدى ازايتۋ ماقساتىندا «Tengri Bank» اق سالىمشىلارىنا تاياۋداعى دەمالىس كۇندەرى – 3 جانە 4 قازاندا قوسىمشا قىزمەت كورسەتەتىن بولادى. قدكبق سالىمشىلارعا اگەنت بانكتىڭ بولىمشەلەرىنە بارماي تۇرىپ, ونىڭ سايتى ارقىلى بولىمشەلەردىڭ قانشالىقتى جۇمىسباستى ەكەندىگىن قاداعالاۋعا كەڭەس بەرەدى. اگەنت بانك سونداي-اق وتىنىشتەردى قاشىقتان بەرۋ جانە وتەم سومالارىن ونلاين تەكسەرۋ بويىنشا وپتسيالاردى قاراستىرادى. بۇل تۋرالى تولىق اقپاراتتى «ەۋرازيالىق بانك» اق سايتىنان الۋعا مۇمكىندىك بار.
اگەنت بانك ارقىلى كەپىلدىك بەرىلگەن وتەم تولەۋ شاراسى 12 اي بويى – 2021 جىلدىڭ 30 قىركۇيەگىنە دەيىن جۇزەگە اسىرىلادى. قور بەلگىلەنگەن مەرزىمنىڭ اياقتالۋىنا قاراي اگەنت بانكپەن اراداعى كەلىسىمنىڭ قولدانىلۋ مەرزىمىن ۇزارتۋى مۇمكىن. اگەنت بانك ارقىلى بەلگىلەنگەن وتەم تولەۋ مەرزىمى اياقتالعان سوڭ, «Tengri Bank» اق سالىمشىلارى تولەم الۋ جونىندە تىكەلەي قدكبق-عا ءوتىنىش بەرە الادى. ەسكە سالا كەتەلىك, قدكبق كەپىلدىك بەرىلگەن وتەمدى دەپوزيتتەگى قالدىق سوما شەگىندە, بانك ليتسەنزياسىنان ايىرىلعان كۇنگە قاراي ەسەپتەلگەن سىياقىنى ەسكەرە وتىرىپ تولەيدى. ماسەلەن, ۇلتتىق ۆاليۋتاداعى جيناق دەپوزيتتەر بويىنشا – 15 ملن تەڭگەدەن, ۇلتتىق ۆاليۋتاداعى باسقا دەپوزيتتەر بويىنشا – 10 ملن تەڭگەدەن جانە شەتەل ۆاليۋتاسىنداعى دەپوزيتتەر بويىنشا – ۆاليۋتا بالاماسىندا 5 ملن تەڭگەدەن اسپايدى («Tengri Bank»اق ليتسەنزياسىنان ايىرىلعان كۇنى بەلگىلەنگەن ۆاليۋتا ايىرباستاۋ باعامى بويىنشا).
«Tengri Bank» اق سالىمشىسىنىڭ بانكتە ءتۇرى مەن ۆاليۋتاسى بويىنشا ەكى جانە ودان دا كوپ كەپىلدەندىرىلگەن دەپوزيتتەرى بار بولسا, اگەنت بانك بۇل بويىنشا 15 ملن تەڭگەدەن اسپايتىن كولەمدە كەپىلدىك بەرىلگەن جيىنتىق وتەم تولەيدى. بۇل رەتتە شەتەل ۆاليۋتاسىنداعى دەپوزيتتىڭ 5 ملن تەڭگەدەن اسپايتىن كەپىلدەندىرىلگەن قالدىعى بويىنشا شەكتەۋ ەسكەرىلەدى.
كەپىلدىك بەرىلگەن وتەمدى الۋ ءۇشىن «Tengri Bank» اق سالىمشىلارى ەۋرازيالىق بانكتىڭ كەز كەلگەن فيليالى نەمەسە بولىمشەسىنە بارىپ, تولەم الۋعا ءوتىنىش تولتىرۋى قاجەت. ءوتىنىش بلانكىسىن تىكەلەي اگەنت بانكتەن الۋعا نەمەسە قدكبق سايتىنان ەلەكتروندى نۇسقاسىن جۇكتەپ الىپ, الدىن الا تولتىرۋعا بولادى.
اگەنت بانكتىڭ بارلىق قالالارداعى فيليالدارى مەن بولىمشەلەرىنىڭ مەكەنجايلارى جانە جۇمىس ءتارتىبى تۋرالى اقپارات www.eubank.kz رەسمي سايتىندا جانە بانكتىڭ انىقتاما قىزمەتىندە قولجەتىمدى (+7 (727) 332 77 22, +7 (771) 000 7722, +7 (700) 000 7722, +7 (702) 010 7722).
سالىمشى اگەنت بانككە جەكە باسىن كۋالاندىراتىن قۇجاتپەن بارۋى قاجەت. ەگەر سالىمشىنىڭ ورنىنا باسقا تۇلعا ءوتىنىش بەرەتىن بولسا, قۇقىق بەلگىلەۋشى قۇجاتتاردى دا ۇسىنۋ قاجەت (مىسالى, مۇراگەرلىك قۇقىعى تۋرالى كۋالىك نەمەسە سەنىمحات).
سالىمشىنىڭ تەگى, اتى نەمەسە اكەسىنىڭ اتى وزگەرگەندىگى اگەنت بانكتە نەكە قيۋ تۋرالى كۋالىكپەن نەمەسە ازاماتتىق حال اكتىلەرىن جازۋ (احاج) ورگانى بەرەتىن تەگىن, اتىن جانە اكەسىنىڭ اتىن وزگەرتۋ تۋرالى كۋالىكپەن راستالادى.
جەكەلەگەن جاعدايدا اگەنت بانك مالىمدەلگەن تالاپتاردىڭ نەگىزدىلىگىن راستايتىن قوسىمشا قۇجاتتار سۇراتۋعا قۇقىلى. كەپىلدىك بەرىلگەن وتەم سالىمشى قۇجاتتارى اگەنت بانككە كەلىپ تۇسكەن كۇننەن باستاپ 5 جۇمىس كۇنى ىشىندە تولەنەدى.
ايتا كەتەلىك, سالىمشىلار ءوز ەرىكتەرىمەن كەپىلدىك بەرىلگەن وتەمدى وزدەرىنە ىڭعايلى تاسىلمەن: اگەنت بانكتىڭ كاسساسىنان قولما-قول اقشامەن, سول اگەنت بانكتە بانك شوتىن اشۋ نەمەسە كەز كەلگەن باسقا بانككە اۋدارۋ ارقىلى الا الادى.
كەپىلدىك بەرىلگەن سومادان ارتىق قالعان اقشاسى بار سالىمشىلار, ونى الۋ ءۇشىن بانكتى ەرىكسىز تاراتۋ تۋرالى سوت شەشىمى كۇشىنە ەنگەن سوڭ, «Tengri Bank» اق تاراتۋ كوميسسياسىنا ءوتىنىش بەرۋگە قۇقىلى.
دەپوزيتتەر بويىنشا كەپىلدىكتەر جانە تولەمدەردى جۇزەگە اسىرۋ تۋرالى جالپى اقپاراتتار قوردىڭ www.kdif.kz سايتىندا قولجەتىمدى. سالىمشىلار اقىل-كەڭەس الۋ ءۇشىن 1460 تەلەفون ءنومىرى, قدكبق سايتىنداعى چات, @kdif_ask تەلەگرام-چاتى, قوردىڭ Facebook جانە Instagram جەلىلەرىندەگى deposit.kz رەسمي پاراقشالارى, سونداي-اق info@kdif.kz ەلەكتروندى پوشتاسىنا جازۋ ارقىلى ءوتىنىش بىلدىرە الادى.
