قارجىلىق مونيتورينگ اگەنتتىگى باس كولىك پروكۋراتۋراسىنىڭ ۇيلەستىرۋىمەن اي-92 ماركالى بەنزيندى قىرعىز رەسپۋبليكاسىنا زاڭسىز شىعارۋمەن اينالىسقان قىلمىستىق توپقا قاتىستى تەرگەپ-تەكسەرۋدى اياقتادى, دەپ حابارلايدى Egemen.kz.
قارجىلىق مونيتورينگ اگەنتتىگىنىڭ (قما) ءباسپاسوز قىزمەتىنىڭ مالىمدەۋىنشە, توپ قۇرامىندا 9 ادام بولعان. زاڭسىز سحەمانى جۇزەگە اسىرۋ ءۇشىن ولار مۇناي ونىمدەرىن ساتىپ الۋ, قۇجات راسىمدەۋ جانە ەكسپورتتاۋ ماقساتىندا 12 زاڭدى تۇلعانى تىركەگەن.
بەنزيننىڭ شىعۋ تەگىن زاڭداستىرۋ جانە ونى شەتەلگە شىعارۋ ۇشىن كۇدىكتىلەر «قارا ماي ويل» جشس مەن «Petro Bazis» جشس شاعىن مۇناي وڭدەۋ زاۋىتتارىن پايدالانعان.
«قۇجات جۇزىندە كاسىپورىندار اي-92 بەنزينىن جەڭىل ديستيللياتپەن نەمەسە ەرىتكىشپەن ارالاستىرۋ قىزمەتىن كورسەتكەن. الايدا ءىس جۇزىندە ولاردىڭ قىزمەتى بەنزيندى ەشقانداي تەحنولوگيالىق وڭدەۋسىز تەمىرجول تسيستەرنالارىنا قۇيۋمەن عانا شەكتەلگەن», دەلىنگەن حابارلامادا.
ەنەرگەتيكا مينيسترلىگى بەنزين مەن گاز باعاسىنا قاتىستى شاعىمداردى قابىلدايتىن جەلى اشتى
قما مالىمەتىنشە, كەيىن جالعان قۇجاتتار راسىمدەلىپ, ولاردىڭ نەگىزىندە بەنزين اروماتتى كومىرسۋتەكتەر قوسپاسى, ەرىتكىشتەر نەمەسە جەڭىل كومىرسۋتەكتەر قوسپاسى رەتىندە دەكلاراتسيالانعان.
ناتيجەسىندە اۆتوكولىك بەنزينى مۇناي-حيميا ءونىمى رەتىندە كورسەتىلىپ, قىرعىز رەسپۋبليكاسىنا زاڭسىز شىعارىلعان. بۇل ارەكەتتەر ەلدىڭ ىشكى نارىعىندا مۇناي ونىمدەرىنىڭ تاپشىلىعى بايقالعان كەزەڭدە دە جۇزەگە اسىرىلعان.
«زاڭسىز ەكسپورتتالعان بەنزين كولەمى 190 مىڭ توننادان اسىپ, قىلمىستىق توپتىڭ كولەڭكەلى اينالىمى 37,2 ملرد تەڭگەدەن اسقان. جەدەل-ىزدەستىرۋ ءىس-شارالارى بارىسىندا «تۇركسىب» ستانتسياسىندا قىرعىز رەسپۋبليكاسىنا جونەلتىلمەك بولعان شامامەن 500 توننا زاڭسىز بەنزين تيەلگەن 8 تەمىرجول تسيستەرناسى ۇستالدى. قۇنى 138 ملن تەڭگە بولاتىن تاركىلەنگەن بەنزين مەملەكەت كىرىسىنە وتكىزىلدى», دەلىنگەن حابارلامادا.
ارزان بەنزين ارتىقشىلىق پا الدە ەكونوميكالىق تاۋەكەل مە؟
قىلمىستىق ءىس سوتقا جولداندى.
قازاقستان رەسپۋبليكاسى قپك-ءنىڭ 201-بابىنا سايكەس وزگە اقپارات جاريالاۋعا جاتپايدى.