پرەزيدەنت قاسىم-جومارت توقاەۆ قازاقستاننىڭ بەيبىتشىلىك كەڭەسىنە قاتىسۋىنىڭ ماڭىزىن اتاپ ءوتىپ, ۇيىم اياسىندا ناتيجەلى ىنتىماقتاستىق ورناتۋعا بەيىل ەكەنىن جەتكىزدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ء«بىز بەيبىتشىلىك كەڭەسىنىڭ نەگىزىن قالاۋشىلاردىڭ ءبىرى رەتىندە اتالعان ينستيتۋتتىڭ جاھاندىق قاۋىپسىزدىك پەن ديالوگتى نىعايتۋعا ءتيىمدى ىقپال ەتەتىنىنە سەنىمدىمىز», دەدى مەملەكەت باسشىسى.
كەزدەسۋدە گازا سەكتورىنداعى احۋالدى تۇراقتاندىرۋعا ۇلەس قوسۋدى كوزدەيتىن قازاقستان باستامالارى تالقىلاندى. بۇل الەۋمەتتىك ينفراقۇرىلىمدى قالپىنا كەلتىرۋ, ءبىلىم بەرۋ جانە دەنساۋلىق ساقتاۋ جوبالارىن جۇزەگە اسىرۋ, ازىق-ت ۇلىك قاۋىپسىزدىگىن قولداۋ باعىتتارىن قامتيدى.
پرەزيدەنت: ۇلتتىق نىشاندارىمىزدى قادىرلەۋ وتانشىلدىق رۋحىنىڭ ەڭ بيىك ولشەمى ەكەنى ءسوزسىز
ارە لايتستوۋن قازاقستان پرەزيدەنتى مەن حالقىن مەملەكەتتىك رامىزدەر كۇنىمەن قۇتتىقتاپ, ەلىمىزگە بەيبىتشىلىك جانە باق-بەرەكە تىلەدى.
سونداي-اق ول مەملەكەت باسشىسىنا اقش پرەزيدەنتى دونالد ترامپتىڭ ىستىق ىقىلاسى مەن لەبىزىن جەتكىزدى.
بەيبىتشىلىك كەڭەسىنىڭ وكىلى قازاقستاننىڭ وسى جانە باسقا دا حالىقارالىق ۇيىمدار جۇمىسىنا بەلسەنە قاتىساتىنىن, سونىڭ ىشىندە يبراھيم كەلىسىمدەرىنە قوسىلۋ جونىندە شەشىم قابىلداعانىن جوعارى باعالادى.
قاسىم-جومارت توقاەۆ پەن ارە لايتستوۋن كولىك-لوگيستيكا سالاسىنداعى ىنتىماقتاستىق, TRIPP جانە ورتا ءدالىز اياسىنداعى ىقپالداستىق پەرسپەكتيۆاسىن تالقىلادى. قازاقستاننىڭ وڭىرارالىق ءوزارا بايلانىستى نىعايتۋعا جانە حالىقارالىق كولىك باعدارىن ارتاراپتاندىرۋعا قىزىعۋشىلىق تانىتاتىنى اتاپ ءوتىلدى.
كەزدەسۋ سوڭىندا پرەزيدەنت پەن ۇيىم وكىلى ەكىجاقتى جانە كوپجاقتى كۇن تارتىبىندەگى اۋقىمدى ماسەلەلەر بويىنشا ىنتىماقتاستىقتى ودان ءارى تەرەڭدەتۋگە دايىن ەكەنىن راستادى.
ۇرپاقتار ساباقتاستىعى: پرەزيدەنت التىن وردانىڭ مۇراسى تۋرالى ءسوز ەتتى