الماتى وبلىسىنىڭ قاراساي اۋدانى اكىمدىگى اۋىل مەكتەبى مۇعالىمدەرىنىڭ عيماراتتى جوندەۋ جۇمىستارىنا تارتىلعانى تۋرالى اقپاراتقا تۇسىنىكتەمە بەردى. تەكسەرۋ قورىتىندىسى جاريالاندى, دەپ حابارلايدى Egemen.kz.
پەداگوگتەر الەۋمەتتىك جەلىلەردە شاعىم قالدىرعان. سونداي-اق ولار سىنىپتارعا قاجەتتى ماتەريالداردى ءوز قاراجاتتارىنا ساتىپ الاتىنىن, ال مەكتەپ شتاتىندا ءىس جۇزىندە جۇمىس ىستەمەيتىن مۇعالىم تىركەلگەنىن ايتقان. ولاردىڭ سوزىنشە, كەزەكشى قىزمەتكەرلەردى تاڭعى ساعات 7:00-دە جۇمىسقا كەلۋگە جانە كەشكى 18:30-دان ەرتە كەتپەۋگە ماجبۇرلەگەن.
اكىمدىك اۋداندىق ءبىلىم ءبولىمى تەكسەرۋ جۇرگىزگەنىن مالىمدەدى.
«پەداگوگتەردى ولاردىڭ كاسىبي قىزمەتىنە قاتىسى جوق جۇمىستارعا تارتۋ, سونداي-اق جوندەۋ جۇمىستارىن ماجبۇرلەپ ورىنداتۋ فاكتىلەرى راستالمادى. بەينەدە كورسەتىلگەن جۇمىستار 26-29 مامىر ارالىعىندا اۋىل تۇرعىنىنىڭ كورسەتكەن دەمەۋشىلىك كومەگى اياسىندا جۇرگىزىلگەن. مەكتەپتىڭ سپورت زالىندا رادياتورلارعا قورعانىش تورلار ورناتىلدى. بۇل جۇمىستارعا دانەكەرلەۋشىلەر تارتىلعان», دەلىنگەن حابارلامادا.
اكىمدىك ەڭبەك ءتارتىبىنىڭ بۇزىلۋى جانە شتاتتاعى ء«ولى جانداردىڭ» بولۋى تۋرالى مالىمەتتەردىڭ دە راستالماعانىن حابارلادى.
مەكتەپ مۇعالىمدەرى ەندى ءوز وقۋشىلارىنا اقىلى ساباق وتە المايدى
قازىر مەكتەپتە 166 پەداگوگ جۇمىس ىستەيدى. ولاردىڭ 133-ءى 1 ماۋسىمنان باستاپ جىل سايىنعى اقىلى ەڭبەك دەمالىسىنا شىققان, ال قالعان 33 پەداگوگ 1 شىلدەدەن باستاپ دەمالىسقا شىعادى.
مەملەكەتتىك ورگان جاعدايدى جان-جاقتى ءارى وبەكتيۆتى زەرتتەۋ ءۇشىن مۇعالىمدەر اراسىندا ءانونيمدى ساۋالناما جۇرگىزگەنىن اتاپ ءوتتى. ساۋالناما ناتيجەسىندە ەڭبەك زاڭناماسىنىڭ جانە قىزمەتكەرلەر قۇقىقتارىنىڭ بۇزىلۋ فاكتىلەرى انىقتالماعان.
ەندى مۇعالىم وقۋشىعا تەك ساباق كەزىندە جاۋاپتى: ءماجىلىس جاڭا زاڭدى ماقۇلدادى