الماتى وبلىسىندا وندىرىستىك جاراقات سالدارىنان قولىنان ايىرىلعان ازامات سوت ارقىلى جۇمىس بەرۋشىدەن قۇنى 28 ملن تەڭگە بولاتىن زاماناۋي پروتەز الىپ بەرۋدى تالاپ ەتتى, دەپ حابارلايدى Egemen.kz.
سوت ماتەريالدارىنا سايكەس, ەر ادام ەڭبەك مىندەتتەرىن ورىنداۋ كەزىندە اۋىر جاراقات الىپ, سونىڭ سالدارىنان قولىنا امپۋتاتسيا جاسالعان. مەديتسينالىق-الەۋمەتتىك ساراپتاما ونىڭ ەڭبەككە قابىلەتتىلىگىن تۇراقتى تۇردە جوعالتقانىن جانە ۇزدىكسىز پروتەزدەۋدى قاجەت ەتەتىنىن انىقتاعان.
ىلە اۋداندىق سوتى جۇمىس بەرۋشى كومپانيانى قىزمەتكەرگە ميكروپروتسەسسورمەن باسقارىلاتىن كوپ فۋنكتسيالى قول پروتەزىن ساتىپ الىپ بەرۋ ءۇشىن كەلىسىمشارت جاساۋعا مىندەتتەدى. سونىمەن قاتار كاسىپورىن پروتەزدىڭ تولىق قۇنىن, سونداي-اق پروتەزدەۋ كەزەڭىندەگى ستاتسيوناردا تۇرۋ شىعىندارىن وتەۋى ءتيىس.
سەمەيدە 21 جاستاعى ستۋدەنت اقشا تابامىن دەپ قولىنان ايىرىلدى
سوت شەشىمى زاڭدى كۇشىنە ەندى. ناتيجەسىندە زارداپ شەككەن ازامات قۇنى 28 606 425 تەڭگە بولاتىن جوعارى تەحنولوگيالىق پروتەزبەن قامتاماسىز ەتىلەدى.