اتىراۋدا ايەلىنىڭ وتباسى مۇشەلەرىن ءولتىردى دەپ ايىپتالعان سۇلتان سارسەماليەۆكە قاتىستى سوت وتىرىسى جالعاسىپ جاتىر. سوتتا قاراباليندەر وتباسىنىڭ مالىن باققان تۇرعىن كۋالىك بەردى, دەپ حابارلايدى Egemen.kz.
تۇرعىننىڭ ايتۋىنشا, 2025 جىلدىڭ قاراشا ايىندا ماقسوت قاراباليننىڭ قوي كەزەگى كەلگەن كەزدە ول ونىڭ ورنىنا مال باعىپ, ەڭبەكاقىسىن Kaspi قوسىمشاسى ارقىلى الىپ وتىرعان.
«مالىن كۇندەلىكتى باقتىم. 25-ءى كۇنى قىرداعى مالى كەلدى. قىس بويى ەكى اي سونى دا باقتىم. ناۋرىزعا اقشا كەرەك بولعاندا جازىپ تۇردىم, سول كەزدە اۋداردى. كۇندەلىكتى اقشا اۋدارعان جوق. 2026 جىلدىڭ 25 قاڭتارىنا دەيىن باعىپ بەردىم. ەكى اي جۇمىسىما ءبىر باسپاق بەرەدى دەپ كەلىستىك», دەدى كۋا.
ونىڭ ايتۋىنشا, 2025 جىلدىڭ قاراشا ايىنىڭ ورتاسىندا ناۋرىز مۇقانعاليەۆ «اناسىن ەمدەتۋ ءۇشىن» اقشا قاجەت ەكەنىن ايتىپ, ءوز ورنىنا ادام جىبەرىپ مالىن ساتاتىنىن ايتقان. كۋا بۇل پروتسەسكە ءوزىنىڭ قاتىسى بولماعانىن جانە تەك مالدى كورسەتىپ بەرگەنىن جەتكىزدى.
كۋاگەر تەلەفون ارقىلى حابارلاما جازعان ادامدى بۇعان دەيىن قازا بولىپ كەتكەن ناۋرىز مۇقانعاليەۆ دەپ ويلاعانىن ايتتى.
ەسكە سالا كەتەيىك, وسىعان دەيىنگى سوت وتىرىسىندا سوتتالۋشىنىڭ اكەسى ساميعوللا سارسەماليەۆ پەن اناسى كۋا رەتىندە جاۋاپ بەرگەن بولاتىن. سۇلتان سارسەماليەۆ ناۋرىز مۇقانعاليەۆتى ولتىرگەنىن جاسىرۋ ءۇشىن قالعان وتباسى مۇشەلەرىن دە ولتىرگەنىن مالىمدەگەن ەدى.