قازاقستاندا تۇتىنۋشىلىق نەسيەلەۋ نارىعىنىڭ قارقىنى باسەڭدەپ كەلەدى. ساراپشىلاردىڭ مالىمەتىنشە, بيىلعى جىلدىڭ العاشقى توقسانىندا بولشەك نەسيەلەۋ كولەمى 4,4 پايىزعا قىسقارعان, دەپ حابارلايدى Egemen.kz.
اسىرەسە تۇتىنۋشىلىق نەسيەلەردى بەرۋ كورسەتكىشى ايتارلىقتاي تومەندەپ, 7 پايىزعا ازايدى. بۇل سەگمەنت بارلىق بولشەك نەسيەلەردىڭ باسىم بولىگىن – شامامەن 85 پايىزىن قۇرايدى. قازىر بانكتەر كەپىلمەن قامتاماسىز ەتىلگەن قارىزدارعا كوبىرەك باسىمدىق بەرىپ وتىر.
سونىمەن قاتار نەسيەلەر بويىنشا پايىزدىق مولشەرلەمەلەر دە ءوسىپ جاتىر. ەلدەگى بولشەك نەسيەلەردىڭ ورتاشا مولشەرلەمەسى 20,9 پايىزعا جەتىپ, ءۇش ايدىڭ ىشىندە 2,7 پايىزدىق تارماققا ارتقان. ەڭ كوپ قىمباتتاعان ونىمدەردىڭ قاتارىندا اۆتونەسيەلەر مەن كەپىلسىز قارىزدار بار.
ماماندار كەڭەسى: نەسيە الاردا نەنى ەسكەرۋ كەرەك؟
ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگىنىڭ نەسيەگە دەگەن سۇرانىستى شەكتەۋگە باعىتتالعان شارالارى دا ءوز ناتيجەسىن بەرە باستادى. جىل باسىنان بەرى تۇتىنۋشىلىق نەسيەگە بەرىلگەن وتىنىمدەر سانى 10,7 پايىزعا قىسقارعان.
يپوتەكالىق نەسيەگە قىزىعۋشىلىق تومەندەگەن. ازاماتتار تۇرعىن ءۇي نەسيەسىنە بىلتىرعى كەزەڭمەن سالىستىرعاندا 20,7 پايىزعا از جۇگىنگەن.
تابىسىنان 8 ەسە كوپ قارىزى بارلارعا نەسيە بەرىلمەيدى: ۇلتتىق بانك جاڭا شەكتەۋ ەنگىزەدى
ساراپشىلاردىڭ ايتۋىنشا, الداعى ۋاقىتتا بانكتەر قارىز بەرۋ تالاپتارىن ودان ءارى قاتاڭداتۋى مۇمكىن. اسىرەسە يپوتەكالىق نەسيە الۋ قيىنداپ, قارىز جۇكتەمەسىنىڭ تابىسقا قاتىناسىن ەسەپتەيتىن جاڭا كوەففيتسيەنتتىڭ ەنگىزىلۋى ماقۇلدانبايتىن وتىنىمدەر سانىن ارتتىرۋى ىقتيمال. سونىمەن قاتار نەسيەگە سۇرانىستىڭ تومەندەۋ ءۇردىسى ساقتالادى دەگەن بولجام بار.