اتىراۋدا ءۇش كۇن بويى توقتاۋسىز جاۋعان جاڭبىر سالدارىنان ارىقتاعى سۋ ارناسىنان اسىپ, تۇرعىن ۇيلەردىڭ اۋلاسىنا جايىلدى, دەپ حابارلايدى Egemen.kz.
تولاسسىز جاۋعان اق جاۋىن كولىك قوزعالىسىن قيىنداتىپ, مەكتەپتەر مەن بالاباقشالاردىڭ اۋماعىنا جايىلعان. قالا اكىمدىگىنىڭ مالىمەتىنشە, شاھاردا كوممۋنالدىق قىزمەتتەر كۇشەيتىلگەن رەجيمگە كوشىرىلگەن. قازىر 40-تان استام تەحنيكا تاۋلىك بويى سۋ سورۋ جانە تازارتۋ جۇمىستارىن جۇرگىزىپ جاتىر.
ء«ۇش كۇن ىشىندە 27 ميلليمەتر جاۋىن-شاشىن ءتۇستى. بۇل ماۋسىم ايىنداعى ورتاشا ايلىق نورمانىڭ 158 پايىزىنا تەڭ. قازىرگى ۋاقىتتا نەگىزگى كوشەلەردە, ارىق جۇيەسىندە, الەۋمەتتىك نىساندار اۋماعىندا جانە «109» بايلانىس ورتالىعىنا تۇسكەن وتىنىشتەر بويىنشا جۇمىستار اتقارىلىپ جاتىر», دەدى اتىراۋ قالاسى اكىمىنىڭ ءباسپاسوز حاتشىسى ەركەناز قاليجان.
نايزاعاي مەن قاتتى جەل: بۇگىن اۋا رايى قانداي بولادى؟
ەسكە سالا كەتەيىك, بۇعان دەيىن «قازگيدرومەت» ماماندارى مامىر ايىنىڭ سوڭىندا ەلدىڭ باتىسىندا جاڭبىر جاۋاتىنىن حابارلاعان ەدى.