ۇلىتاۋ وبلىسىنىڭ ساتباەۆ قالاسىندا ورنالاسقان «يۋنوست» ستاديونىندا ۆانداليزم جاساعان بالالار انىقتالدى. الەۋمەتتىك جەلىدە تاراعان بەينەجازبادا بىرنەشە بالانىڭ ستاديونداعى ورىندىقتاردى سىندىرىپ جاتقان ءساتى كورسەتىلگەن, دەپ حابارلايدى Egemen.kz.
وقيعاعا بايلانىستى پوليتسيا ۆانداليزم دەرەگى بويىنشا قىلمىستىق ءىس قوزعادى. ءتارتىپ ساقشىلارى قۇقىق بۇزۋشىلىققا قاتىسى بار ەكى بالانى تاۋىپ, ولاردىڭ اتا-انالارىنىڭ قاتىسۋىمەن ءتۇسىندىرۋ جۇمىستارىن جۇرگىزدى.
پوليتسيا مالىمەتىنشە, بالالاردى تاربيەلەۋ مىندەتتەرىن تيىسىنشە ورىنداماعانى ءۇشىن اتا-انالارعا قاتىستى اكىمشىلىك ءىس قوزعالدى. سونىمەن قاتار ولار كەلتىرىلگەن ماتەريالدىق شىعىندى وتەۋگە مىندەتتەلەدى.
قۇقىق قورعاۋ ورگاندارى جازعى دەمالىس كەزىندە اتا-انالاردى بالالاردىڭ بوس ۋاقىتىن باقىلاپ, ولاردىڭ تارتىبىنە ەرەكشە نازار اۋدارۋعا شاقىردى.
ەسكە سالايىق, جۋىردا پرەزيدەنت قاسىم-جومارت توقاەۆ ىبىقتى ساي شاتقالىنداعى ۆانداليزم وقيعاسى بويىنشا قاتاڭ قورىتىندى شىعارۋ كەرەكتىگىن ايتقان بولاتىن.