اقمولا وبلىسىندا تىيىم سالىنعان اۋماققا شومىلۋعا بارعان ون جاستاعى بالا سۋعا باتىپ, كوز جۇمدى, دەپ حابارلايدى Egemen.kz
اقمولا وبلىستىق توتەنشە جاعدايلار دەپارتامەنتىنىڭ مالىمەتىنشە, قايعىلى وقيعا 3 ماۋسىم كۇنى قوسشى قالاسىندا بولعان. نۇرا-ەسىل كانالىندا دوسىمەن بىرگە شومىلۋعا بارعان 10 جاستاعى بالا سۋعا باتىپ كەتكەن.
مامانداردىڭ ايتۋىنشا, اۋماقتا سۋعا تۇسۋگە تىيىم سالىنعان بەلگىلەر ورناتىلعان.
«استانا قالاسى تجد جەدەل-قۇتقارۋ جاساعىنىڭ كۇشىمەن بالانىڭ دەنەسى تابىلىپ, سۋدان شىعارىلدى», دەدى اقمولا وبلىسى تجد رەسمي وكىلى ەرسايىن قويشىباەۆ.
جاز كەلىسىمەن سۋ ايدىندارىندا بالالار ءولىمى جيىلەپ بارادى. اپتا ىشىندە ءدال وسىنداي قايعىلى جاعداي قوستاناي مەن قاراعاندى وبلىستارىندا تىركەلىپ ەدى. سول سەبەپتى قۇتقارۋشىلار اتا-انالارعا بالالاردى سۋ ايدىندارىنىڭ ماڭىندا قاراۋسىز قالدىرماۋعا شاقىرادى.