الماتى قالاسىنىڭ جەتىسۋ اۋدانىندا پوليتسەيلەر شەتەلدىك ازاماتتى الماتى وبلىسىنداعى ەلدى مەكەندەردىڭ بىرىنە اپارۋعا ماجبۇرلەگەن ەر ادامدى ۇستادى, دەپ حابارلايدى Egemen.kz.
پوليتسيا دەپارتامەنتىنىڭ مالىمەتىنشە, وقيعا سولتۇستىك اينالما كوشەسىندە بولعان. پاترۋلدەۋ كەزىندە پوليتسيا ەكيپاجىنا Kia اۆتوكولىگى كەلىپ توقتاعان. شەتەلدىك جۇرگىزۋشى كولىكتەن جۇگىرىپ شىعىپ, ءتارتىپ ساقشىلارىنان كومەك سۇراعان.
انىقتالعانداي, كولىكتىڭ ارتقى ورىندىعىندا وتىرعان جولاۋشى جۇرگىزۋشىگە تاپانشاعا ۇقساس زاتپەن قورقىتىپ, ءوزىن كورسەتىلگەن مەكەنجايعا جەتكىزۋدى تالاپ ەتكەن.
بۋرابايدا تاۋدا اداسقان 9 شەتەلدىك تۋريست قۇتقارىلدى
پوليتسەيلەر اۆتوكولىكتى قورشاۋعا الىپ, كۇدىكتىنى ۇستادى. تەكسەرۋ بارىسىندا ودان تاركىلەنگەن زاتتىڭ ويىنشىق تاپانشا ەكەنى بەلگىلى بولدى.
وقيعا بويىنشا سوتقا دەيىنگى تەرگەپ-تەكسەرۋ باستالدى. قازىر وقيعانىڭ بارلىق ءمان-جايى انىقتالعان.
ەسكە سالايىق, بۇعان دەيىن الماتى تاۋلارىندا جاراقات العان شەتەلدىكتىڭ قۇتقارىلعانى تۋرالى حابارلاعانبىز.