قىرعىزستان العاش رەت بۇۇ قاۋىپسىزدىك كەڭەسىنىڭ مۇشەسى اتاندى

2027-2028 جىلدارعا ارنالعان قۇرامعا قىرعىزستانمەن بىرگە اۋستريا, پورتۋگاليا, ترينيداد جانە توباگو مەن زيمبابۆە سايلاندى. ولار وكىلەتتىك مەرزىمى اياقتالاتىن گرەكيا, دانيا, پاكىستان, پاناما جانە سومالي ەلدەرىنىڭ ورنىن باسادى.

بۇۇ قاۋىپسىزدىك كەڭەسى 15 مەملەكەتتەن تۇرادى. ونىڭ بەس تۇراقتى مۇشەسى – ۇلىبريتانيا, قىتاي, رەسەي, اقش جانە فرانتسيا. بۇل ەلدەر ۆەتو قۇقىعىنا يە.

تۇراقتى ەمەس مۇشەلىككە سايلانۋ ءۇشىن مەملەكەتتەر بۇۇ-عا مۇشە ەلدەردىڭ كەمىندە ۇشتەن ەكىسىنىڭ, ياعني 127 داۋىسىنىڭ قولداۋىن الۋ قاجەت. قىرعىزستان بۇل مەجەدەن اسىپ ءتۇسىپ, 142 داۋىس جينادى.

توقاەۆ پەن ەردوعان بۇۇ ءرولىن كۇشەيتۋ تۋرالى ورتاق بايلامعا كەلدى

بۇل قىرعىزستاننىڭ بۇۇ قاۋىپسىزدىك كەڭەسىندەگى العاشقى مۇشەلىگى سانالادى. ەل ءوز وكىلەتتىگىن 2027 جىلعى 1 قاڭتاردان باستاپ اتقارىپ, 2028 جىلعى 31 جەلتوقساندا اياقتايدى.

ايتا كەتەيىك, قازاقستان بۇعان دەيىن قاۋىپسىزدىك كەڭەسىنىڭ تۇراقتى ەمەس مۇشەسى رەتىندە 2017-2018 جىلدارى جۇمىس ىستەگەن. ەلىمىز ورتالىق ازيادان بۇۇ قاۋىپسىزدىك كەڭەسىنە سايلانعان العاشقى مەملەكەت بولدى.

ەسكە سالا كەتەيىك, 2014 جىلدان بەرى قازاقستاننىڭ 900-دەن استام اسكەري قىزمەتشىسى بۇۇ ميسسيالارىنا قاتىستى.